بایاتی

وطنیم قول بوداغیم
گولشنیم گوللو باغیم
عاشیغام من سنه‌، قوی
سنده یانسین چراغیم
* * *
هم گونش سن،‌ هم‌ آی سان
گؤزه للر ایچره پای سان
هئچ اوشومه ز بو کؤنلوم
دویغوما ایستی یای سان
* * *
عزیزیم سن گَلَه سن
سن گئدیب،‌ سن گله‌ سن
یولدا بیر داش اولام کاش
اگله شیب دینجله سن
* * *
تبریـز شانلی تبریـزیم
شیـرین جانلی تبریـزیم
ای قهره مان اوغوـلو
ستار خانلی تبـریـزیم
* * *
قــار یاغــار داغــا تبریز !
شئح دوشه ر بـاغـا تبریز!
سنـه اؤزوم وئرمیشم
جانی صاداغا تبریـز!
* * *
گوٍل تبـریــز , قوْنچا تبریـز
بزه­کلـی خوْنچـا تبـریـز
زییـارَته گـَلمیـشـم
گـَزیم دوْیوُنجا , تبریز
* * *
عزیزینم بیل یاخشی
گؤزلرینی سیل یاخشی
دوز دور، قیلینج برک کسه ر
کسمه ک اؤچؤن دیل یاخشی
* * *
آشنا گلدی یاد گئتدی
یاد بورادان شاد گئتدی
گولوردوم، گولدوروردوم
آغزیمدان اوُ داد گئتدی
* * *
قیزیل گؤلم ده ر منی
کؤلگه یئرده سه ر منی
گئده ن اوُلسا پای کیمی
دوستلارا گؤنده ر منی

About Author

saghi

See author's posts