سو گلر آخار گئدهر
سئل گلر ییخار گئده ر
دنیا بیر پنجره دی
هر گلن باخار گئده ر
***
عزیزیم کاساد اولماز
مرد الی کاساد اولماز
یوز نامردین چؤرهیین
دوغراسان کاسا دولماز
***
هم گونش سن، هم آی، قیز
هئچ سنه یوخدو تای، قیز
پنجرهدن باخمیرسان
واردی گلایهم آی قیز
***
عطیرسیز سونبول اولماز
نغمه سیز بولبول اولماز
دونیا بوتون گول آچسا
سنین کیمی گول اولماز
***
سو ایچیره م چاناقدان
بال سوزولور دوداقدان
اؤزوم گـلـه بیلمسه م
سلامـیـم وار اوزاقدان
***
قیزیل گولم ده ر منی
مخمل اوسته سه ر منی
تانری اؤزو شاهد دی
چوخ ایستیره م من سنی
***
یاغیش یاغیر داشلارا
دئیین اوچان قوشلارا
آپارسین بیزدن سلام
وفـالـی یـولـداشـلارا
***
عزیزیم گول دن گؤزه ل
اوخور بولبولدن گؤزه ل
یار منه بیر گول وئریب
اؤزو او گولدن گؤزه ل
***
عـزیـزیـم داغدا لالا
اوخشور گول اوزده خالا
دردی غـمـی آزالار
کـیـم یئتیشه وصالا
About Author
پست های مرتبط
آگهی استخدام شرکت آذرسبز پویا صنعت
آیین سنتی «شمع پایلاماق»
مراسم «شیرخوارگان حسینی» در تبریز