بایاتی

لای لای دئدیم اوجادان
چیخسین سَسیم باجادان
آلله سـنی ساخلاسـین
بوغـمادان ، قیزیلجادان
*
آل کمری بئل باغلا
ساچلارینی تئل باغلا
نَه یادا سیرّینی وئر
نَه نامرده بئل باغلا
یامان گون کئچه ر گئده ر
عؤمرومو بیچه ر گئده ر
دونـیادا غـم شـربـتـین
هـر گـلـن ایـچـه ر گـئـده ر
*
من عاشـیق دالداسـینا
مرد ایگید دالداسینا
نامرد آصلان اولسادا
سیخیلما دالـداسینا
*
عزیزیم وطن یاخـشی
کؤینگی کتان یاخشی
غربت یئر جنّت اولسا
یئنه ده وطن یاخشی
*
عاشیقم، وطن آغلار
منه هر یئتن آغلار
غریبلیکده ئوله نـین
حالینـا کفن آغلار

About Author