بایاتی

عـاشیقم، وطن آغلار منه هر یئتن آغلار
غـریبلیکده ئوله نـین
حـالـیـنـا کفن آغلار
***
من عاشیق، قازان آغلار
اود یانار، قازان آغلار
غربت یئرده ئوله نین
قبرینی قازان آغلار
***
امـام زاده بــاغـلاري
يـاشـيـلدي ياپراغلاري
نذیريم قبول اولسون
يـانـدیـريـم چراغلاري
***
گؤيده اوچان قوش اولسون
ايچديگين سو نوش اولسون
ليلي یه خبر وئرين
مجنون گليرخوش اولسون
***
بوردان بيرآتلي گئچدي
آتين اويناتدي گئچدي
آي كيمي شفق ساچدي
گون كيمي باتدي گيچدي
***
لاي لاي دئييم ياتاسان
قیزیل گوله باتاسان
قیزیل گولون ايچينده
شيرين يوخو تاباسان
***
هامي ياتيب سنده يات
دينجل قوزوم تـئز بوي آت
صوبحون خئيره آچيلسین
سنه گولسون بو حيات
***
لاي لاي دئديم آدينا
حق يـتـيشسين دادينا
بـويـا بـاشـا چـاتاندا
مـنـي ده سال يـاديـنا

About Author

saghi

See author's posts