حنا

بیتگی دوکتورلری نین دئییشی اساسیندا ، حنا هم ایستی ، هم سویوق و هم قورو بیتگی لردندیر.
ایرانلی لار بو بیتگینی خاصیتلی و فایدالی بیلیرلر. بو بیتگی سویوقلوق ناخوشلوقلاری اوچون گؤز اوچون و آغیز اوچون فایدادیر. اونون گیرده کان یارپاقیله ضمادی باش آغریسی اوچون فایدادیر.
اسکی زامانلاردان بو بیتگی نین بیزیم رسوماتیمیزدا خاص یئری واردیر. بو بیتگی اوروپا اؤلکه لرینده درمان اوچون و مخصوصاً آسیا اؤلکه لرینده خانیم لارا بزه ک اوچون ایشله نیر.
بیزیم اؤلکه ده ده ، خانیم لار حنادان تؤک و دیرناغین داوامی اوچون فایدالانارلار. آمما یاددان چیخارتمایاق کی بو بیتگی نین چوخ خاصیتلری واردیر:
-چین و هند اؤلکه لرینده بو بیتگی دن جُذام، ساری لیق و باشین که په گی اوچون فایدالانیرلار.
-حنانین یارپاغی نین دمله مه سین بویلو خانیم لارا وئره رلر .
-اونون کؤتوگونون قاینانمیشی پئشابا آپاراندیر.
-بو بیتگی نین قاینانمیشی ، سینه نی یوموشالدار و برونشیت اوچون درماندیر.
-دَری ناخوشلوقلاری اوچون درماندیر.
-حنا یارپاقلاری نین قاینانمیشیندان، دیش سودورو اوچون ایشله ده ر لر ( آغیزدا قرقره ائتمه ک ایله )
-بو بیتگی معده نین آغری سین آلماق اوچون فایدادیر.
-دوغماق آغری سین آزالتماق اوچون فایدادیر.
-سسین یوغونلوغون آلماق اوچون فایدادیر.
-بو بیتگی نین قورو و ازیلمیش کؤتوگو ، گؤز آغری سین آلار.
-اندونزی اؤلکه سینده ، حنا یارپاقلاری نین ازیلمیشیندن خمیر جورله رلر و او خمیری دیرناق چیرک ائدنده اونون میکروبون آلماق اوچون ایشله ده رلر و اونون کال میوه سیندن قاشینمانین قاباغین آلماق اوچون مرهم جورله رلر.
-فیلیپین اؤلکه سینده حنا یارپاقلاریندان یارانین تئز توختاماغی اوچون مرهم جورله رلر.
-او کس لر کی ایسته ییرلر آریقلاسینلار، حنا یارپاقلاریندان ( چای تکی ) دمله مه ایچسینلر.
-حنانین ازیلمیش یارپاقلارین زیتون یاغی ایله قاتین و باشیزا سورتون باشی زین توکو تئز گلسین!
-ایگی گرم یئمه ک یا اللی گرمی نین سویوندان ایچمه ک ساریلیق، دالاق، بؤیره ک، و مثانه ناخوشلوقلاری اوچون فایدادیر.
-دیرناق اوچون فایدادیر. و حنا وورولان دیرناق تئز یکه لر.
-حنا نین گوللری دَرین یوخو گتیره ندیر. و دوکتورلوق بیلیمینده اوندان فایدالانیرلار.

About Author

saghi

See author's posts