داغلار

باهار بایرامین دا یاز آیلارین دا
چوخ اولار چوللردن قوناقین داغلار
آچاندا لاله لر ساری قیرمیزی
قیزارار هر زمان یاناقین داغلار
گویده کی بولوتلار جولان ائدنده
سولار جیغیر سالیب آرخا گئدنده
گورکمین کونلومو سالیر کمنده
هله ده آغاریر پاپاقین داغلار
دوشونده ایز سالیب آینا بولاقلار
دینجه لیر قوینوندا آلما یاناقلار
آسلانار قندیلدن گوموش چیراقلار
سوننده گویده کی چیراغین داغلار
یاییلیر هر یانا کهلیگین سسی
تئللرینده گزیر یئلین نفسی
آرتیریر انسان دا عشقی هوسی
بیر بیر اوخوندوقجا وراقین داغلار
مله سین قوزولار گون اورتا چاغی
بول اولسون ائللرین کره سی یاغی
مارال لار مکانی ترلان اویناغی
اووچولار توتسونلار سوراقین داغلار
اوبالار یوردلاردا قورولان زامان
چادیر بیر بیرینه سویکه نیر یامان
اتگینده سونبول باشیندا دومان
بولودلار قوینوندا یاتاقین داغلار
خیالین دنیزی آشیب داشاندا
سئوگی سئوگی سیله حالال لاشاندا
آشیقلار وصفینده نغمه قوشاندا
ائشیدیب سسلنسین قولاقین داغلار
قار بوران قددیوی ائیه بیلمه دی
بلکه ده خطریوه دئیه بیلمه دی
ائلدار نیسکیل لری دئیه بیلمه دی
ایسته دی چاغ اولسون داماقین داغلار

About Author

saghi

See author's posts