گئجیکمه یین اوره ییمده کسیب صبیر یولونو
چکیب داریخمایا دوغرو بو، بیر به بیر یولونو
***
یـاتیـبدی یان- یانا کؤلگه‌مده مین مارال قوزوسو
بـاشـیـمـدا اکـمـه حه له! شوُوقریب قبیر یولونو!
***
کـؤچورسه دورنالاشیر دیلده دویغوسال دیله‌ییم
قـاطـار – قاطار دایانیب، تامسینیر دمیر یولونو
***
گولوش لرینده مین آرزو غزل له‌نیب، آمما
باخیشلا باغلادی کسگین یئنه گلیر یولونو!
***
دولاندیریر باشینا بیر دلی اذان سه سیمی
تاپیبدی بلکه ده قوربانلیغین نذیر یولونو!
***
قـاخـیـنـج بـیـلـمـه، الیم قاپسانیب‌سا کؤلگه‌لییه
نفس ده ریر گئده گیزلینجه، کم- که سیر یولونو!
***
اؤلوم – ظولوملا دولاندیم قاییت ، داریخما بوغور!
وه- آغریم آغزین آچار‌کن گؤزوم چکیر یولونو!
About Author
پست های مرتبط
عرفانی دویغو
بایاتی
ادب ساحه سینده