بایاتی

عزیزیم قازان آغلار
اود یانار قازان آغلار
غریب یئرده اؤله نین
قبرینی قازان آغلار
*
عــــــزیزیم بودا منی
خنــــجر آل بودا منی
گؤرنه گونه قالمیشام
به یه نمیر بــودا منی!
*
عــــــــزیزیم باغلار تکی
گول آچدیم باغلار تکی
اؤزوم اؤزومه یانــــدیم
آغلادیم داغلار تـــکی
*
من عاشیقــام هر آیلار
هر اولدوزلار هر آیلار
باشیم جـــــلاد الینده
دیلیم سنی هارایـــلار
*
آغــــــــلارام آغلار کیمی
دردیم وار داغـــلار کیمی
خزان اولدوق تؤکولدوک
وئـــــــــرانا باغلار کیمی
*
عزیزیم وطن یاخشی
کؤینگی کتان یاخشی
غربت یئر جنّت اولسا
اؤلمگه وطن یاخشی
*
فلکین داد الینـــــــدن
اولـــمادیم شاد الیندن
یامان یئرده یخیلدیم
دوتمادی یاد الیمدن

About Author

saghi

See author's posts