یازی ادبیاتیندا بیر پارا کلمه لر ایشله نیر کی ، دئمه ک اولار دانیشیق ادبیاتیندان آلینیبدیر. بونلارین چوخو کلمه نین باشیندا اوتوران « م » حرفی ایله کلمه نین اؤزون یانسیلاماقدیر. مثال اوچون: « چوپور موپور » کیمی ترکیبی عبارت داها بیزیم دَرین سؤزلریمیزین ایچینده اویغون ده ییل. آنجاق یازی ادبیاتیندا بئلنچی کلمه لرین ایشله نمه سی یازینی آغیرلیقدان سالماقا ایز اولدوقدا ، باشا دوشمه لی ییک. یوخسا بیردن بیره ده بئله بیر زادلاری ادبیات دان دانماق اولماز ، نییه کی چوخلو ناغیللاردا اؤزونه یئر آچمیشدیر!
دئمَه ک اولار طنز شعرلرینده ده بئلنچی ترکیبی عبارتلر ایشله نیر آمما جیدّی سؤزلرده ، شعرلرده ایشله نمه سی داها « حَشو » کیمی بیر زاد ساییلار. حتّی دانیشیق ادبیاتیندادا چوخ سؤزو آریتمالی ییق. مثال اوچون : هئچ واخت بیر سورغوچو یا خبر چی رادیو خبرینده بئله دئمه ز: …دونه ن توققوشمادا بوللو « شوشه موشه » سیندی!
شوشه ، شوشه دیر، موشه سی – نه دیر؟!
بونو بیلمه ک ایله، یازیلاریمیزدا دانیشیق ادبیاتین ایشله تمکده گؤزله مه لی ییک. انضباطسیز ادبیاتین سونو بیر یئره چاتسادا گلَن نسیللره گیج لیک یاراتماقدان باشقا، فایداسی یوخدور.
دونیادا چوخ قاریشیق ( قارما قاریشیق ) مطلبلر یارانیبدیر کی اؤز تؤرَه ندیگی یئری آنلاقدان – ادبدن دالی قویدوقدا گلَن نسیللرین گؤزوندن دوشوبدور. آنجاق آتابابا لاریمیز دئمیشکن: آغیرلیق زور آپارار.
آشاغیداکی لارین بیرین پوُزون بیری قالسین:
سوسوز موسوز
داش ماش
دیری میری
یارا مارا
دَمیر دومور
شعر معر
دَن دون
قوجا موجا
خاراب ماراب
زیغ میغ
یازی مازی
فامئل فومئل
خبر مَبـَر
اوشاق موشاق
سئل سول
بارا بورا
لَش لوش
یالان پالان
قارما قاریشیق
کاغاز ماغاذ
اوغرو موغرو
گول مول
آجی ماجی
چؤرَه ک مؤرَه ک
توز موز
شئح مئح
چوروک موروک
اوت موت
سولو مولو
دَلی دولو
سفئه مَفئه
پیشیک میشیک
دیش میش
آزار مازار
بوشقا موشقا…
About Author
پست های مرتبط
عرفانی دویغو
بایاتی
ادب ساحه سینده