سردری، تبریزین یاخینلیغیندا بیر گؤزل شهرجیکدیر و بوگون تمامیله تبریزه یاپیشمیش. آنجاق اؤزو اوچون ادبی انجمن لری و ده یرلی – گؤرکملی شاعیرلری واردیر. شاعیرلرین ساییسی و شعرلری نین گؤزه للیگی ده دیللر ازبری دیر. گنج یازاریمیز نعمت مسگری سردری شاعیرلریندن ۵۲ شاعیرین شعرینی بیر آنتالوگییا کیمی توپلاییب و نشر ائتدیرمیشدیر. بو کیتابدا اوخوجو سردری نین ذوقلو و شیرین دیللی شاعیرلری نین شعرلری و قیساجا یاشاییشلاریلا تانیش اولور. متن فارسیجا اولورسا دا، شعرلر بوتونلوکله تورکجه دیر. عئینی حالدا بورادا گنج شاعیرله برابر قوجامان شاعیرلر بیرگه گلیر و سئویندیریجی حال بودور کی ۵۲ شاعیرین ۱۰ شاعیره سی ده واردیر.
سردری شاعیرلری کیتابی ، ۲۵۲ صفحه ده آذرتورک نشریاتی طرفیندن چاپ اولوب و بو ایل – ۱۳۹۷ ده یاییلمیشدیر. کتابین قیمتی ۲۰ مین تومن دیر. بیز کتابین توپلایانی نعمت مسگری و سردری شاعیرلری نین هامیسینا تبریک دئییب، آیدین گله جک و یئنی باشاریلار دیله ییریک. ساغ اولسونلار.
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد