آخیر چارشنبه، اوستاد دفتری‌نین اوغلو باختی آچیلسین دئیه اوْدون اوستوندن آتیلاندا تونقالین ایچینه دوشوب قولاقلاری یانیب جیزلیق اولموشدو. خسته خانادا، اوغلانی عمل اوتاغینا آپاراندا اوستاد دفتری آغلایا-سیزلایا اتگیمدن یاپیشدی:
– دوکتور!.. اوغلومون قولاقلارینی سندن ایسته‌ییرم!..
اللرینی سیخاراق توختاقلیق وئردیم بیله‌سینه:
– اوستاد! بیلیم چوخ ایره‌لی‌له‌ییب؛ اوغلونا بیر جوت قولاق جالاق ووراجاغام قاباقکیندان دا یاراشیقلی اولا، هئچ داریخما…
عملیات سککیز ساعات چکسه‌ده، سونوجو باشاریلی اولدو؛ اوستادین اوغلو یئنه قولاقلی اولموشدو.
بو اولایدان اون بئش گون سونرا اوستاد دفتری قاش-قاباقلا مطبه گلدی:
– دوکتور!.. سندن هئچ بونو گؤزله‌میردیم، دوست دوستادا بو ایشی گؤره‌ر؟ بو نه قولاقدیر اوغلوما جالاق ووروبسان، اخلاقی بوس-بوتون دگیشیب…
– قولاقلارا سؤز اولا بیلمز، اؤلکه‌نین ان یاخشی قولاقلارینی اوغلونا جالاق وورموشام. نه اولوب مگر؟!
اوستاد وایسینا-وایسینا الینی دیزینه تاپدادی:
– نه اولاجاق دوکتور!.. اوغلانا هر نه دئییریک، بو قولاقدان آلیب او بیری قولاقدان ائشیگه بوراخیر! …
About Author
پست های مرتبط
عرفانی دویغو
بایاتی
ادب ساحه سینده