لازیم اولسا اولارام من ده فدای وطنیم

سالیری عالمه سس ، شور و نوای وطنیم
اوره ک ایستیر اولا مجذوب صفای وطنیم
او شیرین خاطیره لر یادیمه دوشدوکجه منیم
یئنه تکراره گلیر مهـر و وفای وطنیـم
چیرپینیر وورغون اوره ک روحوما شنلیک جالانیر
جانلانیر خاطره ده آب و هوای وطنیم
روضه ی عشق و صفادیر یاز اولا یا قیش اولا
کهکشان تک اوجادیر باغ و سـرای وطنیم
بیر قوشام باغلی قاناد اوچماغا واردیـر هوسیم
منی جولانه چکیـر گؤرنه فضای وطنیـم
آنا یوردومدا اوزاق دوشموشم آغـلار قلمیم
وار بــو غمخانـه ده آهنگ جـلای وطنیم
سنی « لیلا » ! وطنین شوری سالیب عشق اودونا
لازیم اولسا اولارام من ده فـدای وطنیم

About Author

saghi

See author's posts