نه وار کی؟!

چالیش بو دونیادان اینسانلیق آپار
آخماق یاشاماغا یاشا نه وار کی؟!
دونیانین حیکمتین باشا دوشگیلن
کال گلیب،کال گئدن باشا نه وار کی؟!
***
الدن توت دار گونده گره یین اولسون
یاخشیلیق ائتمه یه اوره یین اولسون
حالالدان بیر تیکه چؤره یین اولسون
حارامی نئیلرسن آشا نه وار کی؟!
***
الده قازانج اولماز مایا اولماسا
دلی گؤیه چیخار پایا اولماسا
کندین کاتداسیندا حایا اولماسا
چاشار آت اوینادار چاشا نه وار کی؟!
***
یارادیبدیر گوزل-گویچک یارادان
ساختا گوزللیک تئز گئدر آرادان
اصیلین چیرکینین آل تاپسان هارادان
سورمه لی کیپریگه قاشا نه وار کی؟!
***
“موغان اوغلو”حاققا اوجالسین سسین
منزیله چاتینجا ایشین اَیمه سین
گوزله دوستون سنه داشی دیمه سین
دوشمانین آتدیغی داشا نه وار کی؟!

About Author

saghi

See author's posts