گونومو قارا ائدیبدیر ، داها قالماییب قراریم
گوُزوم آختاراندا یاری، گئدیب الدن ایختیاریم
یاری گوُرمه یین هواسی، بیرعوُموردیر آیلار – ایللر
حه له ده قالیب باشیمدا، باشا گلمیر اینتظاریم
سارالیب – صولاندا گوللر، قه می آرتیرار اوره کده
سينه مین باغیندا باخسان ،خزانا دوُنوب بهاریم
یارالی مارال گوُروبسن – قاچا اووچونون الینده ن؟
یئر اوزونده یورغون- آرغین، بئله کئچدی روزیگاریم
سينه مین ائوینده توستو، یاییلیبدی قه م کوُزونده
بورویه ر گوُیو دومانلار ، گوُیه چیخسا آه -ی زاریم
نه وطن قالیب نه گولشَن ، نه ده بیر نیشان ائلیمده ن
هارا اوز قویوم گئدیم من ، ایتیب اورتادا دییاریم
سن – اَس آی نسیم-ی رحمت ، من اوُلَنده ، قَبریم اوسته
اودو سینه م اوسته سوُندور ، کوله دونمه سین مزاریم !
About Author
پست های مرتبط
عرفانی دویغو
بایاتی
ادب ساحه سینده