گئتمه

گئتمه قال اي درد و درمانيم آماندیر گئتمه قال
قوي دئييم ديوانه يم چوخدان زماندیر گئتمه قال
وئر منه فرصت گولوم تا گؤز تيكيم گول چهره وه
گئتمه كي سن سيز حاليم چوخ چوخ ياماندیر گئتمه قال
قوي دوتوم نازلي نيگاريم من سنين او اللرين
سؤيله ييم سندن صورا حاليم فغاندیر گئتمه قال
من دولاننام باشيوا قويما مني يالقيز قاليم
گئتمه كي عاشق گؤزوم چندیر، دوماندیر گئتمه قال
سن مني دينديرمه كي اينديجه دي كي آغلیيام
گؤزلريوي ناز باخيشلا آز دولاندیر گئتمه قال
گل بو يولدان سن قاييت يوخسا من اؤللم قالمارام
حيرانام سندن اؤتور من آيري يارا باخمارام
معصومه قناعتی خامنه ( حیران )

About Author

saghi

See author's posts