یاشیل چای (چای سبز)

چای، ســودان سونرا ایکینجی چوخ ایشله نن ایچمه لی
لردندیر. اگر سیزده چای سئوه نلردنسیز و هر گون چای
ایچیرسیز نگران اولمایین. چون تدقیقات نیشان وئریبدیر
کی چای ایچمه ک و مخصوصاً یاشیل چایین فایدالاری
آدامین ساغلیغی اوچون چوخدور.
دؤرد مین ایل اولار کی یاشیل چای چین اؤلکه سینده داوا درمان بیتگی لریندن ساییلیر و قدیم لرده بو ایچمه لی دن قانین قاباغین آلماقدا ، باش آغری سیندا، آغیز بوغاز ناخوشلوغوندا، بئکئفلیگی آرادان آپارماقدا و …. فایدلاناردیلار. آمما چای ایچمه ک تکجه چینلی لر اوچون دئییلدیر. درمانی خاصیتلرینه گؤره باشقا اؤلکه لره ده یاییلدی و دونیا بو ایچمه لی نین خاصیتلرین بیله رک ، چایدان دا ایچمه لی لرله بیرگه فایدالاندی. قیرمیزی چایین دا یاشیل چای کیمی خاصیتی واردیر آمما یاشیل چایا هئچ بیر نه آرتیرماییرلار بو سبب دن خاصیتی بیر آز چوخ اولور. قیرمیزی یا قارا چای و یاشیل چای هر ایکی سی ده بیر نوع بیتگی دن یارانیر و فرقلری نئجه ییغیلیب و دمله نمه سینده دیر.
یاشیل چایین ده یه رلی خاصیتلری بونلاردان عبارتدیر:
– « ام اس » ناخوشلوغون درمان ائتمه ک اوچون فایدادیر.
– سرطانین قاباغین آلیب و اونون درمانیندا کارا گلیر.
– « یاددان چیخارتماق » ناخوشلوغونون درمانیندا فایدادیر.
– بدنین ایچین ایشه سالیر و قولای یاغی یاندیریر.
– اوره ک ناخوشلوقلارین آزالدیر و داماردا قانین لخته لنمه گی نین قاباغین آلیر.
– « مری » سرطانی نین خطرین آزالدیر.
– یاشیل چای ایچمه ک، بیر پارا سرطانی تومورجوقلارین یئکه لمه سی نین قاباغین آلیر.
– قانین یاخشی یاغین چوخالدیر و قولای یاغین یاندیریر.
– تدقیقات نیشان وئریر کی یاغی چوخ اولانلار اوچون یاخشیدیر.
– روماتیسم اوچون فایدادیر.
– بدنین داوامین چوخالدار.
– هر کیم مرتّب یاشیل چای ایچسه، دیش چوروگوندن آماندا قالار و دیشین کئهره سی نین یارانماسی نین قاباغی آلینار.
– یاشیل چای آدامین فیکرین بیر یئره ییغار و ذهنین آچار.
– اعصابی دینجه لده ر و قورخونو آرادان آپارار.
– کؤک آداملاردا ، آغیرلیغی آزالتماق اوچون و آریقلاماق اوچون فایدادیر.
– سویوق دَیمه نین قاباغین آلار و میکروب اؤلدوره ندیر.
– بوغازدا اولان خلطی آریدلاییب و بوغازین سمّ اثرین آرادان آپارار.
– چای دا « تانین » آدیندا بیر مواد واردیر کی ، اسهالین قاباغین آلار. ایسته سه ز چای دا « تانین » چوخ اولسون، قویون چوخ دم آلسین!
بو چایین زیانلاری:
– قادینلار سوت وئرنده یاشیل چای ایچمه
سینلر.
– یاشیل چای ایچمه کده حدددن چیخمایین
چون قانین آزالماغینا سبب اولار.
*
گونده نئچه لیوان یاشیل چای ایچه ک؟
یاشیل چای تکجه لاپ آز قده ری بدنین ایشله ییب یاندیرماسین چوخالدیر، پس گونده ایکی اوچ لیوان دان آرتیق قارا چای یا یاشیل چای ایچمه ک نه تکجه فایداسی یوخدور بلکه زیانی دا واردیر. چای تکی ایچمه لینی چوخ مئیل اتمه ک بدن اوچون زیاندیر و سبب اولار بدنین سویو چه کیلسین.
گونده ایکی یا اوچ لیوان دان چوخ ایچمه یین!
یاشیل چایی نئجه ساخلاییب ، دَمله مکده بئله ائدین:
– یاشیل چای عطیرلی و تازا قالماق اوچون، اونو قارا بیر قابا قویوب، قارانلیق یئرده ساخلایین . ایشیقدان و شئهدن اوزاق اولسون.
– هر بیر نفره بیر چای قاشیقی قده ر و هر بیر قاشیق چایا بیر لیوان داغ سو ، دمکئشه تؤکوب ، دمکئشین قاپاغین قویون ، هشتاد درجه ایستی ده ( یئددی دقیقه ) ساخلایین دم آلسین. سونرا مئیل ائدین.
– یاشیل چایین ، قارا چای کیمی ایستی اوستونده دم آلماغا نیازی یوخدور.
– یاشیل چایی تازا قاینانمیش سویا تؤکون ، قویون قالسین دم آلسین. داها لازیم دئییل اود اوستونه قویولسون.

About Author

saghi

See author's posts