کریم

بیر کندلی، قویونلارینی شهرده ساتیب قاییداندا اوغرولارا توش گلیب سویولور. یازیق کیشی کنده یئتجک باشینا تاپدایا-تاپدایا آغلاییب-سیزلاماغا باشلاییر:
– وار- یوخوم الدن گئتدی!..ائویم ییخیلدی!.. بدبخت اولدوم!..
کندلیلر باشینا ییغیشیب توختاقلیق وئرمگه باشلاییرلار:
– چوخ اوزولمه کیشی!.. ایشدیر اولوب..‌آللاه کریم‌دیر..
کیشی اؤفکه ایله کندلیلره قاباریر:
– نه آللاه کریم‌دیر؟!.. ائله اوغرولارین بیری‌نین آدی کریم ایدی!..

About Author

saghi

See author's posts