بایاتی

داغلاريما چَن دوشدو،
باشيما دا، دَن دوشدو،
تانري مني قوش ائله،
ياديما وطن دوشدو .
* * *
گول اوستونده ياش اولوم
ائللره سيرداش اولوم،
غربتده شاه اولونجا،
وطنيمده داش اولوم .
* * *
گؤيده بولود سيلينمه ز
اوره كلر وار، بيلينمه ز،
ياغي دوشمن مين اولسا،
تورپاغيميز بؤلونمه ز
* * *
شئه دوشوبدو چمنه
نرگيسه ، ياسمنه
من بالاما قوربانام،
بالام قوربان وطنه .
* * *
منه وطن قالاندي
سنه وطن قالاندي
بيز گئده‌ريك دونيادان
يئنه، وطن قالاندي
* * *
عزیزیم آخار سولار
چایلاردان آخار سولار
یوللار اوزاق اولسادا
بولانماز آخار سولار

About Author

saghi

See author's posts