حسره تلر

چوخ آرزو ، چوخ دیلک، اورکده قالان،
اوغول :طویا حسره ت ،قیزلار: دوواغا!
یانسین تَحریم سالان، بیزده ن باج آلان،
یوخسوللوق -چه تینلیک، گلدی قاباغا،
اوغول :طویا حسره ت ،قیزلار: دوواغا!
***
کاسیبلارین دردی- قمی، چوخالدی ،
قان صوران زه لیلَر، شیشدی، توخالدی،
سیفتینیب، راُی آلان، یاتدی، یوخالدی ،
بیرده گوُرمه ز : قار -قارلاسین او داغا ،
اوغول: طویا حسره ت، قیزلار: دوواغا!
***
حـیـلـه کـار، فـیـتنه کار ،اوتولور اونه،
دوزلر :حسره ت قالیب، او کچه ن گونه،
بو چارخ-ی دوُورانین ، کاش اوزو دوُنه،
قـددارلار بـویـانـیـب: مـیـن بیر بویاغا، اوغول: طویا حسره ت ،قیزلار: دوواغا!
***
“قوجابه ی لی قیزی “ ، سیناقدان کئچه ر،
دَریادان :لعل – گوُوهَر، اینجیلَر سئچه ر،
شان – شره فله ، یاشار، دونیادان کوُچه ر ،
ائحتییاجی یوخ، بویاغا، سوواغا،
اوغول: طویا حسره ت، قیزلار دوواغا!

About Author

saghi

See author's posts