سقّا

یوبانما سیدی گل چکدی پرده قان باشیما
من السیزم یغیشوب قوم کوفیان باشیما
یخیلمیشام ایاق اوسته دورانمرام بیرده
دوران زماندا انیر خنجر و سنان باشیما
سنی چاغیرمازیدیم اکبرین ساق اولسئیدی
گلیب قویاردی الین اکبر جوان باشیما
بو باش که کاسه سی نین محتواسی عشقیندور
سینیبدی کاسه سی گل صاحب اول سینان باشیما
سو مشکیمین سویی آخدی گوزیمدن اود یاغدی
کی اندی اوجا داغ کیمی دومان باشیما
خجالتیمدن اوزوم گلمه دی خیامه گله م
کسیلدی چاره یولی چاره سیز قالان باشیما
نه اللریم یادیما نه گئدن گؤزوم دوشدی
نه فکر قیلدیم آقام جانی خونفشان باشیما
گئچنده اوخ باشیم اوستن دئدیم اوزاق گئتمه
هدف باشیمدی امان وئرمه بی امان باشیما
چتین زمانیده نامرد الینده قالدی یاخام
نهان عداوتینی ائیلدی عیان باشیما
شماتت ائتدی عمودی هوایه قالخیزدی
ئورکدن آه چکیب وئرمه دیم تکان باشیما
عمود اننده منی غیرت ایله دی وادار
دئدیم خم اولما بو نامرده دؤز دایان باشیما
نئجه ییخیلدیم آت اوستن مهم مسئله دیر
آغیرلیقیم هامیسی دوشدی ناگهان باشیما
بدن سفینه سیی نین لنگری ایکی ال دیر
ال اولمادی اولا میداندا پشتبان باشیما
انور اردبیلی

About Author

saghi

See author's posts