اوچ- دؤرد گونه سؤز وئردي يار، اوچ – دؤرد ايله دوشدو
چون كي اونودوب وعدهسين، ايش موشكوله دوشـــدو
گاهدان «كانادا»، گاهدا «سويس» ويلاسي آلدي
من كنده داشينديم، آرادا فاصيلــــــه دوشــدو
ميليارددان اوچ- دؤرد دولار اسگيك پول آپاردي
بو آزلـيغا خاطير، آرامـيزدا گله دوشــــــــدو
من سنگكي سئوديم، او اولوب «يورو»يا عاشق
او چاتدي ووصاله، منيم عـشقيم ديله دوشــدو
قارداش ايشي چون قارداشا دوشدو، ايشي بيتدي
من «هابيل»ايديم آنجاق ايشيم قابيله دوشـــدو
مؤولوك، قانالـيقلار اونون اولدو بؤلوشنـــده
قيسمت بوايميش، بندهيه دؤرد- بئش گيله دوشدو
روزي بؤلوننـــــــــده اونا كاميونلا وئريلدي
من روزييا باخديم كي، سؤكوك زنبيله دوشدو
او اكدي، بيچيب، حاصيليده ائـيلهدي صـادر
يوزلر جوره آفتده بيزيم حاصيله دوشــــــدو
دوقتور فلاني، آيدا بئش- اون دفه گؤروردوك
چون اولدو نمـــايـنده، گؤروشلر ايله دوشدو
بعضيلره بختين قاپيسي يكسر آچيلــــــــدي
بيزلر يـئـتيشنده، قـــــــاپي تـئز ايشگيله دوشدو
هر كيم كي يـيـغـيب رأي گئديب، بختهور اولدو
رأيي ســـــــــالانـيندا اورهيی نيسگيله دوشدو
چون «بخش خصوصي» دئديلر ايشلره باخسين
امكاناتـيمـيز تكجه بئش- اون فاميله دوشـــــدو
«طنز» عنوان ائديب «آرش» ائلين درديني يازدي
شعري او دو كي، اؤلكهده ديلدن ديله دوشــدو
پست های مرتبط
عرفانی دویغو
بایاتی
ادب ساحه سینده