گيزلهديبــــــــدير گونشي
قارا بولـــــوت لاي با لاي،
شاختاســــــــيندان هاوانين
دوندو بولاق، دوندو چاي.
گؤيـــــدن ياغان پامبيقلار
آغارديبدير باشــــــــيمي،
قارلي ساچيم، ساققــــاليم
چوخ گؤستهرير ياشيـمي.
آغ پالتاريم گؤرنــــــــده
هامي دئيير – قيش – منه،
اوشوينــــــــــده اَللري
ائديرلر قارقيـــــــش منه.
يون پالتارلار گئيـــــــيرلر
ائولـــــــردهده پینج يانير،
آنجاق لوتدور آغـاجلار
قار ياغديقجا ايســـــلانير.
قاردا دونــــــدو شاختادان
يئنهده ياغ تـــــــــــزه قار!
مئشهلري، داغـــــــــلاري
آغ اؤرتوكلــــــــه بزه قار!
قوي اوشاقلار سئوينجــك
قار آدامي دوزلتســـــــين،
قار گوللهسي اويناســـــــين
زوي گئديب شادليق ائتسين.
دي، بهــــــــمن، اسفند منم
قارلي قيشام، قارلـــــي قيش،
ايلين قوجا فصــــــــــــلييم
ساچ ساققاليم آغــــــارميش.
پست های مرتبط
عرفانی دویغو
بایاتی
ادب ساحه سینده