اوره ک

غریب قالدی اؤره ک او آشنا گئتدی
بیزی یاندیردی سئوگی بی صدا گئتدی
یازیق بولبول بئله سؤیلیر حزین باغدا
گؤزل گئتدی بو ائلدن گول ، صفا گئتدی
دولاندی درده سالدی بو فلک غمدن
محبت آیه سی یاندی بو دونیادان وفا گئتدی
صداقت اؤلدی انسانلیق بوغولدی فاضلاب ایچره
دوتوبدی شیطان هر یانی اؤرکلردن خدا گئتدی
گیجل دوشدی، اؤلوم یاغدی ، عزا گلدی
گؤزل گئتدی آتا گئتدی آنا گئتدی
الولاندی چمن،چای،داغ،داش،هریان
اؤرک داغلی ، ائلیم یاندی،اوبا گئتدی
مَلَک منظر، آلا گؤز دیلربا دیلبر
منی ائتدی بو عشقه مبتلا گئتدی
آراز تک گؤزلریم آخدی ، قارا سئل لر
قارا گلدی گؤنوم ای وای قارا گئتدی
سیزیل لا سن سازیم منلن سحر آخشام
غریب یاندی اؤرک او آشنا گئتدی

About Author

saghi

See author's posts