باش دئدي کي: بدن عوضولري‌نين هاميسي‌نين يئرينه نييه من دوشونمه‌لي‌يم، باشقا عوضولرين گؤزلري كور اولسون، اؤزلري گئديب، اؤزلرينه فيكيرلشسينلر.
ال‌لر دئديلر: بيز ايسته‌ييريك اؤزوموز اوچون ايشله‌يك، باش آغزينا تيكه قويماق ايسته‌ييرسه، اؤزو قويسون. يا طهارت آلماق ايسته‌ييرمير، آلماسين؛ اؤزو بيلر.
آياق‌لار دئديلر کی : بيز نييه بير عؤمور بو يوغون گؤوده‌ني داشيمالي‌ييق؟ بو ايشدن جانا گلميشيك. بو يوغون گؤوده اولماسا، بيز پيلله‌لري راحاتجاسينا چيخاريق. داغا راحات قالخاريق.؛ اوره‌ييميز ايسته‌دييي يئره گئده‌ريك.
بير گون ال‌لر، آياق‌لار يوغون گؤوده‌ني يئره قويدولار. هره اؤز ايستيقلاليني اعلام ائتدي. آمما قونشولاري يوخ ايدي كي، اونلارين ايستيقلالييتيني رسمييته تانيسين.
البتّه مسئله بوردا قورتارمادي،
گؤزلر ده دئديلر كي:، بو زاي باش هاراني گؤرمك ايسته‌يير، اؤزو گؤرسون. بيز نييه اونون يوكونو چكمهليييک.
قولاق‌لار دئديلر كي:، بو زاي باش نه‌يي ائشيتمك ايسته‌يير، اؤزو ائشيتسين، بيزه نه بورجودو.
بورون دئدي: بو زاي باش نه‌يي اييلهمك ايسته‌يير، اؤزو اييله‌سين. بير گون گؤزلر، قولاق‌لار و بورون باشي بير بوجاغا بوراخيب گئتديلر و اؤزلريني موستقيل اعلام ائتديلر.
مسله بورادا قورتارمادي، بو آياق او آياغا دئدي كي، سن هارا گئديرسن اؤزون گئت، من نييه سنينله گئتمه‌لي‌يم. ايري‌سين گئت، دوزون گئت؛هارا گئديرسن اؤزون گئت. بو ال، او اله دئدي: «سنين اوره‌يين ايسته‌يير اوتوبوسون توتاجاغيندان ياپيشاسان ياپيش، منه نه! من سندن اطاعت ائتمه‌ملي‌يم». قولاق، قولاغا دئدي كي، سن هر نه‌يه ايسته‌ييرسن تئلويزيونا باخ، من ده ايسته‌ييرم ويديويا باخام.
بير گون ده ال الدن، آياق آياقدان، گؤز گؤزدن، قولاق قولاقدان آيريليب، اؤزلريني موستقيل اعلام ائتديلر، هره بير يانا گئتدي.
بيلميرم واللاه مسئله بورادا قورتاردي يا يوخ!
About Author
پست های مرتبط
عرفانی دویغو
بایاتی
ادب ساحه سینده