فوکو، آوروپالی دوشونرلر(متفکر) آراسیندا یئری مباحثهسیز اولان بیر آددیر. یازدیغی کیتابلار فرانسانین أن آدلیم یایین ائولری طرفیندن یاییملانمیش، اونیوئرسیتهلرده درس وئریلمیش، نظریه اولاراق دؤنمینه عصرینه اؤنملی علاوهلر تقدیم ائتمیش بیر فلسفهچی اولماسی ایله یاناشی، فوکو اجتماعی اولاراق یئنی قاوراملار یاراتمیش، مدرنیته ضیددیتلییی ایله یئنی دارتیشما زمینلری حاضیرلایاراق دوشونجهلی بیر باتیلقانلیق اورتایا گتیرمیشدیر.
کیتابلاری تورکجهیه چئوریلمیش اولماقلا یاناشی بیرچوخ فاکولتهده فوکونون اثرلری درس کیتابی کیمی اوخونولماقدادیر.
مارکسیست گؤرونوشونه رغمن پست قورولوشچو (= پست یاپیسالچی، پسا ساختارگرایی) بیر جیزیق ایزلهین فوکونون، دوشونجه آنلامدا آچدیغی قاپیلار گئرچکدن اؤنملی و دیققته دَیه ردیر.
آوروپانین یئتیشدیردییی نیچه، هایدگئر، هئگئل، دئکارت، کیرکئگارد کیمی فلسفهچیلرین آراسینا فوکونون آدینی راحاتلیقلا سیخیشدیرماق اولار.
من فوکونون یازدیغی، دانیشدیغی موضوعلار ایچهریسینده چوخ اؤنمسهدییم اقتدار اولایی ( واقعه) اوزرینده دوراجاغام.
فوکونون، اقتدار آنلاییشینین هانسی باخیمدان بیر آچیقلاما اولدوغونو و بو آچیقلامانین اکسیکلیینی وورغولاماغا چالیشاجاغام.
فوکونون، اقتدار آنلاییشی هئچ شوبههسیز کی اؤنوموزه یئنی بیر باخیش آچیسینی ( زاویه دید) قویور. بو باخیش آچیسینینین اینجهلنمهسی بررسی اولان بیر باخیش آچیسیدیر.
فوکو اقتدارین آچیقلانماسینین هارادایسا ایمکانسیز اولدوغونو مدافعه ائدرکن اقتدار اولایینی پردهنین آرخاسیندا گیزلهمیشدیر.
بو اولای اونا گؤره بللی بیر نسنللیکدن (موضوعیت) اوزاق آنجاق سونوج اولاراق ائتکی قویان بیر قاورامدیر.
فوکو اقتدارین اجتماعی یاشاییشیمیزین هر ساحهسینده، یاشانیلان آندا اولدوغونو وورغولایارکن، دوشونجهسینین تملی اقتدارین هر یئرده اولدوغودور. فوکو اقتدارین هر یئرده و فرقلی شکیللرده اولدوغونو مدافعه ائدیر. اونا گؤره اقتدار قارشیمیزا آلابیلهجهییمیز، اؤزونو آیدینلاشدیران بیر اولای دئییلدیر.اورتایا قویدوغوم دورومون بیر آز داها ایرهلیسینه آددیم آتساق ایکی دَییشکهنین بیربیرلرینه قارشی نئترال (خنثی) اولان ایلیشگیلری بئله اوچونجو بیر دَییشکهنین وارلیغینا بنزهییر (عینیدیر).
یعنی دَییشکنلرین بیربیرلرینی اؤز له و علیهینه یؤنلندیرمهسهلرده آرالاریندا کی اقتدار ایلیشگیسی اوچونجو بیر دَییشکهنی ائتکی آلتینا بوراخاجاقدیر. بو اقتدار اولایینی آنلاملاندیرماغا چالیشدیغیم قده ری ایله، فوکو أن کیچیک اجتماعی ایلیشگیلرین تملینی قویموشدور.
بونونلادا، فوکو اقتداری قارانلیقلاشدیریر، اونو بیر کؤلگه حالینا گتیریر.
بونو ساده بیر اؤرنکله آچیقلاییرام، یولدا یورورکن بیر پارتلاییش دویورسونوز، آنجاق بو پارتلاییشین هارادان گلدیینی نهیین سبب اولدوغونو کیمین ائتدیینی بیلمهییرسینیز، یعنی سونوجا ائتکی قویان شئیین نه اولدوغونو بیلمهییریک سادهجه سونوجو بیلیریک او سونوج دا نهدیر.
دویدوغوموز پارتلاییش. پارتلاییشی دویدوغوموز زامان بو پارتلاییشین وارلیغینی تأیید ائتمیش اولوروق.
ایندی اقتداردا فوکویا گؤره بئلهدیر، اقتداری سادهجه سونوجلاریندا و بوراخدیغی ایزلرده گؤره بیلریک.
اؤزل ده فوکو و اونون جایناغیندا گؤرونن بودریار، دئریدا کیمی پست مدرنیستلرین آرتیق هر شئیین بیتدیینه اولان اینانجلاردیر، بونا گؤره قارشیلاریندا بیر کؤلگه یاراداراق یاشاماغی اوستون گؤرموشدولر.
نئجه اولسا دونیادا هر شئی سیناقدان کئچدی و اونلارین اولدوغو آنلاشیلدی، ادعالاریندان حرکتله حرکتسیز بیر یول باشلامیشدیلار
بو دوروم کاپیتالیست سیستئمین چاغیمیزدا کی اقتدارلارین الینی گوجلندیرمیش، و اونا قارشی مخالفت اوداقلاریندا داغینیقلیق مئیدانا گتیرمیشدیر.
انسان هر یئرده وارسا اورادا اقتدار دا اولور؛ آنجاق اصیل اؤنملی اولان اقتدارین کیمین الینده اولدوغو، و اقتدارین کیمه و نهیه قوللوق ائتدیییدیر.
حیاتی ایلیشگیلرده اقتدار وارسا، حیات دا وار اولان سونسوز دَییشکنلیک اقتدارلار ایچینده کئچرلیدیر.
یاشاییشین دَییشکنلیینی اقتدارین اوچوب گئتمهسینه دایاناجاق ائدیریکسه، بو دَییشکنلییی اقتدارلارین دَییشیمی ایچینده کئچرلی اولدوغونو اونوتمامالییق.
پست های مرتبط
چطور نام همسر سابق را از شناسنامه حذف کنیم؟
این شما و این هم شگفتانگیزترین اولِ مهر تاریخ
یازده حقیقت هشداردهنده که اگر میترسید، نخوانید!