زُلال شعری حاققیندا

زلال کیتابین آلیب اوخودوم. آلقیشلار بو اینجار ـ حؤوصله یه! ساندیم زلال بیچیمی بئجریلری چیچکله ندیرمکدن آرتیق، اخلاقسیز شاعیرلره دؤزوم یاراداجاق. بو یئنی چئشیتده، شاعیرین دویغوـ دوشونجه سیندن اوسته لیک، آیری بیر اؤزللییی ده تاپینماغا(عیبادته) یارار اولاجاق: اؤزن(دیقت) له اینجار!
گؤرونور ۱۳۸۸ده زولال تانیناندان بری، آجیراق باخیشلارا دادا دؤزمه لی اولوب. هر یئنی بیر ادبیات گؤرونگوسونده، آجیلیق اولابیله جک. بئله جه آجیلیغا یالنیز گؤرونگو یارادان دؤزه بیلر.(یئنی شعری ایراندا نیما یوشیج یارادیب دئسک، هه به، اونا گولمه دیلر؟). کسین، بوگون زلالین به یه نیلن زادی تکجه قالیبیدیرسه، ائرته سی گون داها اوستون به یه نیلیب اؤیولن؛ دادا قارداشین دؤزومو اولاجاق. ندن ، او (دادا)، قورخاقلار کیمی تئز مئیدانی بوشالدیب قاچماییب. آتالار دئییر: قورخاقدان بزیرگان اولماز.
زولالدا گؤز چارپان یئنیلیکدن، بیچیمدن، اؤزندن، حؤوصله ائوریمله شمه سیندن آرتیق، دمیرجانلی بیر ایستنج (ایراده)، اژداها کیمی نفس سالیر.(قالسین هله؛ عروض ــ وزنیندن منیم باشیم چیخمیر، ایسته میره مده چیخا). دادا، ادبیاتی چالیشا چکیب منجه. شیلتاق شاعیرلرین مئیدانا چیخیب گوجونو بو قالیبده گؤسترمکلرینه نه وار؟
فیلسوفلاردان بیری دئمیش،ــ اینسانلارین بیرکاجی دوشونجه یارادیب، عؤمورلرینین سونونادک ده او دوشونجه نی بیتؤولتمه یه چالیشارلار… ایندی دادا بو یولون آغزیندا. سؤز یوخ بیر یارادیجیدان ایکینجی ـ اوچونجونوده گؤزله مک اولار… زولالین داها اوشاقراق اولماغینا ترسین، بایاتیلاریمیزلا ژاپون هایکولاری کیمی چوخ اؤتکونکن یاشلی دا گؤزه چارپیر. زولال دونیا گؤرموش بیر قوجامان دئنئیلیدیر سانکی.
بو بیچیمین ایچینه یالنیز دوشونجه نین دوشمه سی گره کیر، سونرا او، دوشونجه نی گؤگ ساوی (وحی) ـ اوران کیمی بیشیریب چیخاردا بیلر؛ بؤیوکلویونون کؤلگه سینده یاشاماق آختاریلان بیر دینجلیک کیمی. آغ شعری، ارکین(آزاد)شعری سئونلره ده، دادا آچیقلادیغی کیمی یئر وئریلیب. ب
و دا، دادانین آنیق دوشونجه سینه، گئن گودوسونه، یارادیجی بیر بیچیم تؤرتمه سینه، بونلاردان اوستون، اونون سانبال(متین) اولدوغونو، هامینین اوره یینی اله آلابیله جک ایسته یینه قاییدیر.
ظولم آماجییلا اولوسون اوریینی اله آلان بیر خاقانین ترسه سینه، بیرخاقان شاعیر اولوب ائلی باغریندا یاشاتماغا نه وار؟
… من دادا معلیمی اون بئش ـ ییرمی گون دئییل اینتئرنئتده تانیمیشام. هئچ ده اونو گؤرمه میشم. آچیقجاسینا، هابئله دادا قارداشدان اوتانمازکن دئییم: منی بو یازینی یازماغا ایته له ین دادا دئییل، اونون یاراتدیغی دا دئییل، یاراتدیغینین چالیش آلانیدیر. دادا قارداش پیس اولسادا بئله (اؤرنکدیر بو )، اونداکی دؤزومله حؤوصله تاپینمالیدیر.
بوتون بونلاری دا اونون امگیندن اؤرگه ندیم. اوزگؤرنلیکسیز دئییم: من اؤزوم چوخ دؤزوملو بیری دئییلم. ایندی، دادانین منه دؤزوم اؤرگه دن اؤزنه نی ایله حؤوصله سینه شاشقین(حئیران) قالمیشام.
بیزلر آغ شعری چوخراق، واختین آز اولماغییلا اینجارسیزلیقدان یازیریق… من بیر ادبیاتچی اولورکن، بو بیچیمدن أن آزی دؤزوم، اینجار اؤرگه شیرم. بو، ادبیات دونیاسینا آز قوللوقمودور؟ بو دؤزوم ده زولالین آلت یاپیلارینی، گیزلین مانلارینی تاپماقدان اؤتری ده اولابیلر.
نه اولار؟…… دنیزده، دنیزلییینده هردن شپله نمک اؤفکه سینی لام ائدیر.
ائلهان تورک

About Author

saghi

See author's posts