سوماق

سوماق ، چاشنی و داد وئره ن کیمی چوخلو یئیییم لرده ایشله نیر.و چوخلو داوا درمان خاصیتلری واردیر. او جومله دن: دیش آغری سین آرادان آپارماق، قیزیشمانی آلماق، لثه نی گوجلندیرمه ک و روماتیسم اوچون درماندیر. سوماق ، « یئددی سین » سوفره سی نین بزه کلریندندیر کی یاشاییش باشلانیشی و یاشاییش دادی نین نیشانه […]

سوماق ، چاشنی و داد وئره ن کیمی چوخلو یئیییم لرده ایشله نیر.و چوخلو داوا درمان خاصیتلری واردیر. او جومله دن: دیش آغری سین آرادان آپارماق، قیزیشمانی آلماق، لثه نی گوجلندیرمه ک و روماتیسم اوچون درماندیر.
سوماق ، « یئددی سین » سوفره سی نین بزه کلریندندیر کی یاشاییش باشلانیشی و یاشاییش دادی نین نیشانه سی دیر.
سوماق اوچ یا دؤرد مئتیر اوجالیغیندا بیر آغاج دیر کی جاوان قوللاری و یارپاق قویروقلارین نارین توکلر آلیبدیرلار.
گوللری حنا رنگینده و اون سانتیمئتیر بویو واردیر. میوه لری سالخیم دیر و قیرمیزی و قهوه ای رنگ ده اولورلار.
میوه لری نین دادی کئهه لدن دیر و یئتیشندن سونرا تورش اولور.
سوماغین میوه سی ازیلیب اوغولاندان سونرا ، دوگو یا کباب تکی یئمه لی لرده چاشنی اوچون ایشله نیر.
بو یئمه لی نین باشقا خاصیتلرینه اشاره اولور:
-« دیابت » ناخوشلوغو اولانلار اوچون فایدادیر.
-طبیعتی سویوق و قورودور.
-دیش آغریسی اوچون درماندیر.
-اشتهانی چوخالدار.
-لثه نی گوجلندیره ر .
-معده نی ییغار و پاکلار.
-گوارش اوچون فایدا و میکروب اؤلدورندیر.
-پئشاب گتیرندیر.
-قیزیشمانی آزالدار.
-روماتیسم آغری سین آلار.
-قانی پاکلار و قان دا اولان « اوره » کیمی آرتیق موادی ائشیگه وئره ر .
-اسکی زامانلاردا سوماق آغاجی نین یارپاغین دمله ردیلر و اوندان توکون قارالماغی اوچون فایدالاناردیلار.
-سوماق چایی تَرله مه گین قاباغین آلار.
-سوماق دمله مه سی نین قرقره ائتمه سی بوغاز و آغیزین شیشین آلار.
آییق اولون: تازا سوماق یئمه ک مسموم اولماقا سبب اولار.
آنجاق گره کدیر اونون قوروسون یئمه ک.
پس حددن آرتیق سوماق یئمه ک بدن ده سمّ یارادار و زیان دیر.