سیلِن

سیلن گولونه فارسجادا « قلیونک » ده دییه رلر. بیر ایللیک یا نئچه ایللیک بیتگی لردندیر. سویوغا داوامی واردیر. گوللری نین رنگی : آغ، ارغوانی، صورتی، قیرمیزی دیر.
گولیارپاقلاری اوره ک شکیلینده دیر و سئیره ک یا دولو نوعلاری واردیر.
سیلن گولونون یارپاقلاری یاشیل آمما آبی یا چالیر. بو بیتگی ، یای – یاز دا یاشیل فضالاردا و پارکلاردا یاخشی بیر اؤرتوک کیمی طرحلرده ایشله نه ر .
سیلن گولو ، میخک طایفاسینداندیر. اصل یئری اروپا و ایتالیا اؤلکه لری دیر.
گوللری عطیرلی و گؤزه ل دیر.
بو گولو یاشیل فضادا و پارکلاردا ، باغچا قیراقلاریندا، کیچیک آغاجلارین یانیندا، ویلالاردا – اوجا یئرلرده اکیب منظره سیندن فایدالانماق اولار.
بو بیتگی تئز یئکه لیر و یاغشی بیتیر . اونا گؤره آپارتومانلار دا ، بالکونلاردا و ائولرده ساخلاماق اوچون یاخشی بیتگی دیر.
بو گؤزه ل بیتگی یاز چاغیندا چیچگه دولور .
ایسته کلری:
تورپاق:
بو گول هر جوره تورپاقدا بیتیر آمما یونگول ، بوش و گیرگلی و کئشه لن تورپاق ، سیلن اوچون لاپ یاخشیدیر.
اگر بو گولون تورپاغی چوخ زیغ اولسا گول آرادان گئده ر .
ایشیق:
گونه وه ر و یاری کؤلگه یئرلرده یاخشی بیته ر .
بو بیتگی بوتون گونشلی یئرده یاخشی قول قاناد آچیر و دوزگون گوله دولور.
ایستی:
بو بیتگی اوچون ، اون آلتی درجه یه دک ایستی یاخشی دیر .
بو بیتگی گره کدیر چوخ سویوقدا قالماسین.
سووارماق:
چوخ سو ایسته میر.
آنجاق بیر حدّده جه ک تورپاغی شئهلی قالسا گؤره ر .
بوتون گونش ایشیغی ایسته ییر
چوخالتماق یولو:
بو بیتگینی توخوم یولو ایله چوخالتماق اولار:
توخومو اکمه میشدن قاباق ایکی گون سودا ایسلادارلار.
معمولاً بو گولون توخومون قیشین سون آییندا گول ائوینده بئجه ردیب یازدا شیتیلین اصل یئره انتقال وئره رلر.
بو بیتگی نین گول وئرمه ک دؤره لرین فرقلی زامانلاردا اکمه ک ایله دَییشمه ک اولار.
بو بیتگی تئز گوله یئتیشیر و چمن ایچینده گول فرشلی نین طرح لرینده یاخشی ایشله نه بیله ر .
خاص بیر ناخوشلوغو یوخودور.
بعضی واختلاردا ، توخومو یایین اورتا آییندا اَکیب پاییزین اورتا آییندا اصل یئرینه انتقال وئره رلر.
قیش سویوغوندا یارپاقلار سارالیر و خزه ل حالتی دوتور .
آنجاق یازدا هاوا قیزیشاندا یئنی دن جان تاپیب بیتیرلر و گوله دولورلار.
قایناق: اینترنت / نارگیل / جامع ترین ژورنال گل و گیاه ایران

About Author

saghi

See author's posts