عرفانی دویغو

عاشق و معشوق کیمدیر؟! بئیله مستم بیلمیرم کی مئی نه دیر؟! مینا نه دیر؟! گول نه دیر؟! بولبول نه دیر؟! سونبول نه دیر؟! صحرا نه دیر؟! اود دوتوب جانیم سراسر یاندی آمما بیلمه دیم دل نه دیر؟! دلبر نه دیر؟! باشیمدا بو سئودا نه دیر؟! بیلمه دیم عؤمرومده هرگز کفر و ایمان هانسی دیر احمد […]

عاشق و معشوق کیمدیر؟!

بئیله مستم بیلمیرم کی مئی نه دیر؟! مینا نه دیر؟!
گول نه دیر؟! بولبول نه دیر؟! سونبول نه دیر؟! صحرا نه دیر؟!
اود دوتوب جانیم سراسر یاندی آمما بیلمه دیم
دل نه دیر؟! دلبر نه دیر؟! باشیمدا بو سئودا نه دیر؟!
بیلمه دیم عؤمرومده هرگز کفر و ایمان هانسی دیر
احمد و محمود کیمدیر؟! عیسی و موسی نه دیر؟!
شاهباز اوج وحدت، واحد و حیّ و قدیم
خالق اَرض و سما، اول فرد بی همتا نه دیر؟!
صدر ایوان جلالت ، شمع بزم کاینات
آفتاب عرش عزّت، لافتی الاّ نه دیر؟!
طرّه هاتی قوی کناره، رقصه گل دیوانه وار
گل خرابات ایچره گؤر بو شور و بو غوغا نه دیر؟!
درد صافی گؤزله مک واختی دَگیل ساقی! آمان !
جام وئر، پیمانه وئر، ساغر نه دیر؟!، صهبا نه دیر؟!
دور گؤزون قوربانییام، مستانه گل ، رندانه وئر
چوخ دئمه جمشید دن، اسکندر دارا نه دیر؟!
لوحش الله، کیمدی بیلمم عشق دیوانین یازان!
عاشق و معشوق کیمدیر؟! وامق و عذرا نه دیر؟!
شاهد خلوت نشینیم ائتدی رخسارون عیان
عاشق دیوانه گل گؤر ظاهر و اخفاء نه دیر؟!
یئتدی عؤمرون آخیره ، سن بیر نباتی بیلمه دین!
کیمدی گؤزدن او باخان؟! یا دیلده بو گویا نه دیر ؟!
نباتی