یئمیشان

یئمیشان ( زالزالک )، پاییز فصلی نین کیچیک میوه لریندندیر. رنگی ساری، نارینجی و بعضی واختلار قارا و برک دانالی دیر.
آغاجی کیچیک و تیکانلی دیر. میوه لری یئمه لی و گوللری آغ یا صورتی رنگ ده و عطیرلی دیر.
زالزالک بیتگی سی دونیادا داغ دؤشلرینده، گونه وه ر مئشه لیک لرده بیته ر و اونون چوخالتماق یولو توخوم و تینگ لن دیر.
یئمیشان، چوخلو چهار محال و بختیاری، کهکیلویه و بویر احمد اؤلکه لرینده بیتیر.
بو یئمه لی نین ده یه رلی خاصیت لری بونلاردان عبارتدیر:
– معدنی موادلار، ویتامین لر، تانن و کلسیوم، ترشی آلی، پکتین، مازو، تارتاریک آسید، مالیک آسید، پیی یاغی، گلوکوز قندی و فروکتوز واری دیر.
– ییغان بیر یئمه لی دیر و قان اسهالی نین قاباغین آلار.
– اوره ک و معده اوچون چوخ فایدالی دیر.
– اورکی نظمه سالماق اوچون درمان دیر.
– قانین آزلیغینا فایدادیر.
– سل ناخوشلوغو اوچون فایدادیر.
– اشتهانی چوخالدار.
– قیرتی قیرتی پئشابا گئتمه ک ناخوشلوغونا درماندیر.
– روماتیسم ناخوشلوغو اوچون فایدادیر.
– باغارسیغین شیشین آلماق اوچون فایدادیر.
– یئمیشان شربتی قیرمیزی شکریله بیرگه باش آغری سینا درماندیر.
– یئمیشانین گولو تشنّج اوچون فایدادیر.
– اوره ک دؤیونتوسون درمان ائده ر .
– دامارلاری آچار.
– یئمیشان ، بیر گوجلو آنتی اوکسیدان کیمی دیر.
– قند ناخوشلوغونون درمانیندا یاردیم دیر.
– قانسیزلیغا فایدادیر.
– معده نین قاناماغی نین قاباغین آلار.
– یئمیشانین ساری و صورتی میوه سی بدنده « آ » ویتامینینه دؤنور و اشتهانی چوخالدیر.
– بو میوه نین یئتیشمیشین مئیل ائدین تا « گوارش » ناراحتلیگی اؤز وئرمه سین.
– اگر یئمیشان بوتونلوکده قوروسا، تکجه « ث » ویتامینین الدن وئریر ، یوخسا آیری ویتامینلری ساغ قالیر.
– یئمیشانین تازا میوه سی نین خاصیتی چوخدور و سوت وئره ن قادینلارین سوتون چوخالدار.

About Author

saghi

See author's posts