ائل آراسی

حؤکمران اولسایدیم ائل آراسیندا
من اؤز اورییمی ائله وئرردیم
ییغاردیم وطنین، ائلین خائینین
یازدا داشقین گلن سئله وئرردیم
هر کونجون گزردیم ائلین، اؤلکه نین
سوروشوب بیلردیم کدرین، کینین
ایللر حسرت چکن ایکی سئوگینین
بیر-بیری نین الین اله وئرردیم
«عزیز» دئییر اورییمده یارا وار
اودور بو دونیانی ائدن منه دار
یارادان وئرسئیدی منه ایختیار
تیکانین عؤمرونو گوله وئرردیم

About Author

saghi

See author's posts