بورویوبدو گؤی اوزون
قــورخولو بیر زیل قارا،
گئـــجه چیخاندا چؤله
باخیــــــرام اولدوزلارا.
آنام دئییر: « – گول بالام
هامینین وار اولــــدوزو؛
هله چوخ اولدوز وار کی،
گؤرمور اینسانین گؤزو.»
گئجه گؤیو بــــــــــزهییر
گؤزل اولدوز، گؤیچک آی؛
بیلمیـــــرم اولدوزلاردان
هانـکی دوشوب منه پای.
آنـــــــــــام یئنه دانیشیر:
« -هامینین اولدوزی وار،
سنینده نازلـــــــی بالام
گــؤیده اولدوزون اولار.
بالاجــــا اولدوزلارین-
یییهسی اوشــــاقلاردی؛
بؤیوک آداملاریـــــندا
بؤیوک اولدوزو واردی.»
من کوسورم بو سـؤزدن،
دوداغیمـــــــی بوزورم؛
هـامیدان بؤیوک اولان
اولـــــــدوزومو گزیرم.
تاپانمیرام ســــــــــمادا
ایستــــهدیگیم اولدوزو؛
من اولـــــدوز ایستهییرم
ایشیـــــقلادا گوندوزو.
آنام دئییر: « -او اولـدوز
گئــــجه گؤیده تاپیلماز؛
اونون آدی گونشدیــر
اودا گوندوزسوز اولماز.»
سئوینیـــــرم بو سؤزدن،
بـــــــوراخیرام هر ایشی؛
ائــــــــوه گیریب یاتیرام
گوندوز گؤرهم گونشی.
او منیم اولدوزومـــدور،
سئوهجهیم اورکــــدن؛
گئجهنی سئومیـــرم کی،
اولدوزوندا سئـــوهم من.
پست های مرتبط
عرفانی دویغو
بایاتی
ادب ساحه سینده