بایاتی

بير قوش گلير آغ داشدان
خبر وئـريـر قارداشدان
قارداش باجيدان دويسا
باجي دويماز قارداشدان
***
بو گـَلَن اؤزون بيلمه ز
دانیشسا سؤزون بيلمه ز
هر گَليب سو دولدوران
چشمه نين گؤزون بيلمه ز
***
بوستانام تاغيم آغلار
غمدن يارپاغيم آغلار
ساغام اؤزوم آغلارام
اؤلسه م تورپاغيم آغلار
***
بو دره نارين دره
گئتديكجه نارين دره
بوردا بیر باغ سالديم
يار گله نارين دره
***
آي چيخدي قادر آللاه
تقصيريم نه دیر آللاه ؟
يا یئتیر سئوگولو مي
يا مني ئولدور آللاه
***
آغ آلما قيزيل آلما
نيمچه يه دوزول آلما
چيركين آل نجيب اولسون
بد اصيل گؤزه‌ل آلما
***
عزیزیم آپار منی
گول ائله آپار منی
ائل یولوندا ایتمیشه م
ایتیره ن تاپار منی

About Author

saghi

See author's posts