زنجفیل چایی

زنجفیل ده چوخ خاصیتلر واردیر.
بو بیتگی نین بیر فایدالانماغی دا چای جورله مک دیر. زنجفیل چایین بئله جورله یین:
دؤرد فینجان سویا بئش سانتیمئتیر زنجفیل کؤتوگو سالین!
زنجفیلین قابیغین قاشییین و اؤزون ورقه ورقه کَسین، سونرا سویو قاینادین سو قایناماغا باشلایاندا زنجفیل تیکه لرین اونون ایچینه سالین و قابین آغزین اؤرتون.
قابین آلتی نین ایستی سین آزالدین ، قویون اون بئش دقیقه قالیب دَم آلسین.
سونرا چایی سوزوب ایچین.
***
آنجاق « زنجفیل » بیر نوع بیتگی دیر کی اونون کؤتوگوندن جور به جور ایچمه کلر و یئمه ک لرله فایدالانارلار. « زنجفیلین » ده یه رلی فایدالاری بونلاردان عبارتدیر:
-آدامی آریقلادار ( هر وعده غذا دان سونرا بیر ایستیکان زنجفیل چایی یاخشی دیر )
-سرطان ناخوشلوغونون قاباغین آلماقدا یاردیمدیر.
-سویوق دَیمه گه فایدادیر.
-آغرینی گیزله ده ر .
-قانین قندین آزالدار.
-قوسماغین و اوره ک بولانماغین قاباغین آلار.
-غذانی هضم ائتمه کده یاردیمدیر.
-عضله آغریسی نین قاباغین آلار.
-کؤپمه گین قاباغین آلار.
-قانین یاغین آزالدماقدا یاردیمدیر.
-قانین لخته له نمه گی نین قاباغین آلار.
-هوشو چوخالدار.
-میکروبلاری آرادان آپارماقدا یاردیمدیر.
-باش آغری سین آرادان آپارار.
-اشتهانی چوخالدار.
-قارین سانجی سین توختالدار.
-زنجفیلی بال ایله مئیل ائدین!
-اعصابی دینجلده ر .
-زنجفیل قانین دورو ایشله مه گینه یاردیمدیر.

About Author

saghi

See author's posts