مـنـیده یـادا سـال

سنـی آتدیم- آتدیم اونوتماق اوچون
گلـیـب قـاپـیـنیزدان آز کئچه جه یم
یوخو حـب لرینین دوشونـجـه سـیـله
ساده جه هر شئیدن واز کئچه جه یم
***
هردن گؤروشسکده بیر بیریمیزله
بیر ماهنا آختاریب قاریخاجاغام
باشیم قاریشاجاق جیب تئلفونوما
چاغیرسام آدینی کاریخاجاغام
***
بو سؤزون دئمه یی هئچ راحات دئییل
کلـمـه لر داریـشیـب آلیـر جـانـیـمی
سن یوخسان ایچیمده ، گؤره سن نه لر
گـؤزلریـندن ایـراق کسیب یـانـیـمی
***
ایـتـیـرم گـؤزونـدن خـاطـره لـریـن
بـیـرگـه آرزیـلارا قـاپـیـنـی بـاغـلا
سوسموش سوراقلارین سس سیزلیگینده
آغـلاسـان مـنـیده یـادا سـال آغـلا

About Author

saghi

See author's posts