کرونا ، مدرسه و اوشاقلار

آتیلا: بیزیم مدرسه میزین بعضی تیکه لری چوخ یاخجی دیر، بعضی تیکه لری پیس
من: آهان؟ مثلاً هانسی تیکه لری یاخجی دیر؟
آتیلا: بیزیم مدرسه میزین حیه طی چوخ بؤیوک دیر. اوردا بیز قاچان- قاچان اویناردیق، زنگ تفریح ده یولداش-لاریم ایله دانیشاردیم. چوخ قشنگ ایدی.
من: پیس تیکه لری نه ایدی؟
آتیلا: بعضی اوشاق لار چوخ گوجلو دیرلر، اما پیس اوشاق ایدیلار. اولار منی ووراردیلار. بیر دفعه ایکیسی یاپیشدی قول لاریمدان، ایکیسی قیچ لاریمدان، بیری ده قارنیمی تپیک لدی.من: ای وای! آخی نییه؟آتیلا: بیلمیرم کی! منیم بیر دانا قدرت لی یولداشیم وار آدی »امیرعلی« دی، همان بو همسایامیز، »حسین« آغانین اوغلو، اگر او اولماسایدی ایندی بلکه منیم گؤزوم ده یوخ ایدی. بیردانا اوشاق ایستییردی مدادین ایتی اوجونو وورسون گؤزومه او قویمادی.
من: آتیلا بو ایل نئچه نی اوخویاجاقسان؟
آتیلا: دوم اوخویاجایدیم. اما مدرسه یه گئتمییه جاغام.
من: نییه؟
آتیلا: من تیلویزیوندان باخاجام. کرونایا گؤره هم مامام اجازه وئرمیر، هم بابام اجازه وئرمیر، همده ائویمزده باجیم وار کنکورو قورتاریب، داداشیم وار دانشگاهین گئچیردیب، بابام وار قشنگ گئچیبدی هامیسینی، مامام وار گئچیبدی، آخی دا منه اولار اؤرگدللر دا. ایندی ده کی کرونا واردی مامام گیلده اجازه وئرسه لر من اؤزوم گئتمه رم.
من: نییه؟
آتیلا: قورخورام دا!
من: نه دن؟
آتیلا: بابا! بیزیم مدرسه خلوت اولور دا… بیر عالمه اوشاق اولور. ششم جان واردی، هامیسی دا اوخویوللار. اؤزوده کی بیر دانا یوخدی. مثلاً اول یک، اول دو، اول سه … دوم یک، دوم دو، دوم سه … بوجوسونا گئدیر.
من: آهان یعنی اوشاق چوخدی. شلوغ دی. خلوت دییل.
آتیلا: بلی. شلوغ دی. یعنی قورخورام بیرینین کروناسی اولسا ایکی هفته دن سونرا بللی اولور، ایکی هفته بیلینمه سه گلسه مدرسه یه، اوندا بلکه منده توتدوم… او احتمال وار.
سونرا گللم اولینده داداشیما وئررم. دادشیم گئدر آبجیمه وئرر، آبجیم گلر ماماما وئرر، مامام گلر باباما وئرر، بوجور- بوجورسونا تمام خانواده توتار و باشیمیز بلایه گیرر.
من: گؤیلون ایستییردی کرونا اولمویئیدی مدرسه یه گئدئیدین؟آتیلا: هن چووووووخ! مدرسه میزده چوخ قشح دوست لاریم وارایدی. سرویس ده گلنده گونده بیر نفر قاباقدا شوفرین یانیندا اوتوراردی. من اوتوراندا آغا شوفرنن دانیشاردیم. درس اوخوماغی سویردیم. مثلا ریاضی نی سویردیم. مثلا بیر گون کلا ریاضی ایدی. ریاضی یه علاقه م چوخ چوخ دی. سویه رم یوخودان تئز دورام ولی دورانمیرام. مامامین یادیننان چیخیر منی تئز اویالدا. بعضاً صبح ساعات آلتی دا دوروب، گئدیریک. مامام بئشده دورور. منی آلتی دا اویالدیر. تر- تله سیک پالتارلاریمی گئیردیم. اوزومو یویاردیم، بیر دفعه سینده دستشوشی ده یوخلامیشدیم.
سرویسیمیز قاپیدایدی دوت… دوت… ووردو بیردن- بیره دیسکیندیم، اویاندیم.من: (گوله- گوله) توالت ده یوخلامیشدین؟!!!آتیلا: بلی. بیردن- بیره اویاندیم، چیخدیم تئزدن گییندیم. یولدا گئده- گئده کؤینه ییمین قولونو گییردیم همده تیکه می ییردیم. بیزیم کلاسدا بیر دانا «سروری» وارایدی دییردی: چهارمی اشتباه اوخوموشام، گلمیشم اوله، بورانی قورتاردیقدان سونرا، گئده جاغام پنجما. اونون قوّه سی چوخ ایدی. سوم لارنان جنگ ائلییردی. ولی یالان دییردی. او گرک دوم اوخاردی، اما بیرده قالمیشدی اول ده. سوم لارنان تره زی تایینا گیریردی. یعنی سوم لاری ایته لییردی! حیه-طیمیز کاشی ایدی. بیرین ایته لدی الیمی توتدوم آللاها شوکور باشی یئره چیرپیلمادی.
من: آتیلا ایندی منیم ایشیم وار، ایستییرم گئدم اگر بیر سؤزون وار دئ دوروم گئدیم.آتیلا: ایندی منیم چوخ آرزیم وار کرونا قورتولا. تمام بو پیس شئی لر اولسادا، گینه ده ایسته رم گئدم مدرسه مه.من: ان شاء الله قورتولار گئدرسن. فقط دا آبجی نن درسلریوی اؤرگش ها! آتیلا: باش اوسته. اؤرگشرم.ارسلان نامدار- ایلک اوخول اؤیر،نجی سی.من: آغا ارسلان مدرسه نجور ایدی؟ گئتمیشدین؟ارسلان: من اول گون گئتدیم مدرسه یه. بیزه ایکی دانا شوکولات وئردیلر. یانیندا دا بیر دانا تراش دندانی وئردیلر. اوینادوخ- ائله¬دوخ، شعر اؤرگشدیک. سورا بیر دانا نقاشی چکدیک تابلو دا. من دونن اورا گئدنده، نم- نییه یادیمدان چیخدی کیف آپارام. اونا گؤره ده ایسته دیک نقاشی چکه ک من دفترده چکمه دیم، ائله تابلونون اؤزونده چکدیم.من: نه چکدین؟
ارسلان: بیر دانا هزار پا چکدیم. سورا دا اوتوردوق، دانیشدیق.
بیردانا ها زنگ تفریح ده ایکی دیقه لیق گئتدیک، نم- نییه کلاسی ایتیردیم.
دا کلاسی تاپانمادیم.
بیردانا معلیمیمیز گلدی، بیله می آپاردی کلاسا.
من: معلیمیزین آدی نه دی؟ارسلان: معلیمیمیز بیر دانا چوخ- چوخ مهربان قیزدی اما آدی یادیما گلمیر.
من: مدرسه یه چوخ آدام گلمیشدی؟ارسلان: چوخ- چوخ آدام گلمیشدی.
دا حیه طیمیزده یئر قالمامیشدی.
اونا گؤره ده چوخ خوش گئچدی. اوینادیق، نم نقدر بیله مه خوش گئچدی.
حیطیمیزده بیر دانا گُل یئری وارایدی. بیر دانا والیبال یئری وارایدی. والیبال تورو، گُل تورو.
من مدرسه یه گئدنده بیر دانا یولداشیم وارایدی کی، اوندان قدیم پیش دبستانی یه گئدنده، تانیشمیشدیم. آدی «طاها قهرمانی» ایدی.
آخیرده آنام- بابام گلدی، قاچدیق ائوه.من: سحر اول گئدنده، نجور گئتدیز کلاس لارا؟ارسلان: اول سالن دا گئدنده بیزه بیردانا خمیردندان مدادتراش نان، ایکی دانا شوکولات وئردیلر.
من: بس الیزه بیرزاد وورمادیلار؟
ارسلان: ضدعفونی ده ائلییردیلر. اول ده دئدیلر کی، بیردانا تغذیه دن- زاتدان کی گتیریب سیز، یئره دوشسه، دا یئمه یین، آتین زیبیل قابینا.
ال لریزی بیر یئره ووراندا هئی- هئی ضدعفونی ائلیین. منیم الکل-وم یوخ ایدی، اونا گؤره آپاریردیم معلم ووروردو. یوخسا آیری گون ائلییه بیلسم ژل آپارارام.
کئف ائله دیک…. ائله دیک …. ائله دیک.
من: گیره- گیره سیزی تب سنجی ائله دیلر؟ارسلان: هوم . من: نجور؟ ارسلان: اوینادیق … اوینادیق . من: تب سنجینی دئمیسن؟
ارسلان: تبیمی ده آلدیلار.
بئله لردن ها توتوللار، تبی گؤرسه دیر. نم نییه بعضی سومی کلاس لار گلدیلر، ایکی آدام. اولارین تبین آلدیلار گؤردولر وای ده ده! بولارین تبی وار!!!
من: اوندا نه ائله دیلر؟ارسلان: تئز اولارین آنا- بابالارین چاغیردیلار، اولاری آپارسینلار یا دا دئدیلر اگر ایستییرسیز مدرسه د ه قالالار، اوشاق لاردان اوزاق توتون. بهداشتیمیز دا بو ایدی: هر کس بیر دانا نیمکت ده اوتوروردو. یانی تک- تک اوتوروردولار.
من: نظریوه بو بهداشتی ایش لر نه اوچون دیر؟
ارسلان: کرونا یا گؤره دی دا. کرونا ایندی آدام توتسا، بیز بئش یوز، آلتی مین نفریک. اوندا ائلییه بیلر دونیا کرونا اولا. ائی بئله (او تعداد) ها همکلاسیم کرونا توتسا، منظور، یانی دا دونیا کلّا دا گئتدی.
کرونانین دا هضمی چوخ- چوخ اولدو. من: سن ایندی کرونادان قورخوسان؟ یا قورخمورسان؟ارسلان: قورخورام!
من: نییه قورخورسان؟ارسلان: قورخمورام! یوخ قورخمورام.
دئییرلر: ائله کرونادان قورخسان، ائله کرونا گیرر سیزین معده زه ائله فورا آدام ناخوشلادی گئتدی. من: آهان بس قورخماسان، ممکن دور توتمایاسان! ارسلان: بلی.
من: آهان، یاخجی بس من بونو سندن اؤرگشدیم.
ایسته سم توتمایام داها نه ایش گؤره بیلرم؟ ارسلان: ماسک وور، قشنگ- قشنگ ایش لر گؤر. ال لریوی ضدعفونی ائله.
من: سن مدرسه یه نئچه گون گئدیبسن؟ارسلان: اول گون گئتدیک ساعات اوندا قئییتدیک.
دا اوندان سورا گئتمه میشم.
من: ایستییردین گینه گئده سن؟
ارسلان: سویوردوم اولسون.
یولداش لاریمی تانییام، مدرسه می تانییام، معلیمیمی تانییام.
قاچام- اوینویام. اوجور منه کئیفلی اولاردی.
اما ایندی ایسته میرم گئدم.
ایسته میرم کرونا بترلشه.
من: ارسلان من سنن دانیشاندا چوخ شئی لر اؤرگشدیم.
اگر بیر سؤزون یا آرزین وار دئ، دا من گئدیم. ارسلان: آرزی ائلییرم کئشکی کرونا قوتولسایدی، من گئدردیم مدرسه مه .من: ان شاء الله قورتولار گئدرسن.
آدیوی دا منه دییرسن؟ نئچه نی اوخویورسان؟
ارسلان: من « ارسلان نامدار» ام، اولی اوخویورام، مدرسه مین آدی « پرواز» دی. من: آغا ارسلان ساغول من له دانیشدین.

About Author

saghi

See author's posts