گؤیرچین

گؤیرچینم گؤیرچین
قانادلاریم چین به چین
ماوی سما مکانیم
آغ بولوددور هر یانیم
قارانلیقدان بئزارام
گئجه‌یله یوخدور آرام
ایسته‌رم کی هر زامان
نه چن اولا نه دومان
سما اوزو آچیلا
دونیایا نور ساچیلا
یئر اوزو باشدان باشا
چیچک‌له دولوب داشا
باغلاردا گوللر آچا
دوزلرده مارال قاچا
نغمه‌لر سوزه دیلدن
غم سیلینه کؤنولدن
هامی‌سئوینه گوله
شنلیک یاییلا ائله
گونش گویده نور ساچا
آرزولاریم گول آچا
من‌ده گزه‌م سمانی
شافاق گؤرم هر یانی
اوندادیر کی دئیه‌رلر
منه هر آخشام – سحر:
ای قانادی چین به چین
آغ کؤینکلی گؤیرچین!
قاناد آچ گؤیده دولان
سن باریشیق قوشوسان!

About Author

saghi

See author's posts