قاراداغ

ورنی وار، جئجیم وار هؤروش لرینده
محببت سئوگیسی، گؤروش لرینده
گؤزللیک بوْیلانیر اؤروش لرینده
مه لش سین قوْیونون، قوزون قاراداغ
***
یازین دا گۆل له رین قوْخوسو گلیر
یایین دا قوْناغین چوْخوسو گلیر
گۆزۆنده داغلارین یوُخوسو گلیر
قیشین دا اری میر بوُزون قاراداغ
***
اوْن سگگیز ماحاللی، ائللی، اوْبالی
اوجاقلی، تندیرلی ساجلی، سوْبالی
گؤل له رین اؤردک لی، قازلی، قوُبالی
بزه نیب گؤر نئجه اۆزون قاراداغ
***
بیتگی دن وارلی سان، تانری عطارین
اوْخشاسین کؤنلونو، بالابان، تارین
سازیندا، «چنگیز»ین ،شعرده« ستار»ین
بونلاردان واریندی یۆزون قاراداغ
***
زوْغاللی باغلارین، کلئیبرین ده
بؤیوتکن، قره قات دؤره برینده
قارتاللار، کهلیک لر هشته سرینده
گۆل لـه نـیـب یـام یـاشیل دۆزون قاراداغ
***
آس یندا تئیمورون آناسی یاتیب
قـهقهه قالاسی کیملرین آتیب
«جوشون،-ون آوارسین تاریخه باتیب
یوبانیب یوْللاردا تئزین قاراداغ

About Author

saghi

See author's posts