ائل بایاتیلاری

كؤينه‌يين گولو يانسين
اود دوتسون، گولو يانسين
سني منده‌ن ائده‌نين
آغزيندا ديلي يانسين
***
اوجاغين اودو كئچدي
يئل ووردو، اودو كئچدي
نه باخيرسان آي اوغلان
سئوگيلين بودو كئچدي
***
گؤیلر بولودلو قالدی
قوشلار اومودلی قالدی
آچاری یار بوینوندا
کؤنلوم کیلیدلی قالدی
***
آتیمیزی قوشالیم
داغی-داشی آشالیم
سن یاغیش اول، من بولوت
یاغارکن قووشالیم
***
فلكين داد اليندن
اولماديم شاد اليندن
گونده بیر غم ایچینده
چَكيره م داد اليندن
***
عزیزیم، بادا گئتدی
یئل ووردو بادا گئتدی
دوشمن بیر ایش ایشله دی
گنج عؤمروم بادا گئتدی
***
سويا گئده‌ن ايگيدي
ساچي مخمر تكيدي
آللاه مني سو ائيله
سو گؤزه‌للر يوكودو

About Author

saghi

See author's posts