اوتانیرام من

بیر آن گؤزلرينده ياز گولومسه ییر
حئييف كي قيسّادی عؤمرو يازيمين
صبير پنجره مه داش اولوب ده ییر
کؤرپه باخیشلاری قیزجیغازیمین
*
اوزانیر اللری… اوتانیرام من
ده رینه ایشله ییر یارام, ده رینه
اؤلوب اريييرم خجالتيمدن
آخی گوجوم چاتمیر دوشمنلرینه
*
بزه نیب برته نیب کسیب سیز یولو
بئله جه جان آلماغا جان آتماق ندی؟
اللريم ياواندی, اوره ييم دولو
مني گونده گونده آغلاتماق ندی؟
*
بئله سويوق سويوق باخماييب بونا
نييه سيلكه له مير باخيشي سيزی؟
اؤلور گؤز اؤنونده بير معصوم سونا
هئچ یئرينده يوخدو يارانين ايزی
*
ناحاق قان ائتمه يين گوناهدی… گوناه
بلکه بو قانلاری سیزدن آلالار
بالامين انصاف سيز قاتل لری … آه
شيشه دالينداكی گلین بالالار

About Author

saghi

See author's posts