آغلار

لیلی حسرتینده بولاق باشیندا
آخدی گوزلرینین یاشی مجنونون
هیجرانا آلیشدی محنته یاندی
آه و زارا دوندی ایشی مجنونون
***
آغلاییب آغلاتدی داغین داشیندا
گؤردی عشقین بورانیندا قیشیندا
قوشلار مسکن سالدی اونون باشیندا
اولدی مسکن قوشا باشی مجنونون
***
قوجا آغلار عشقین دردین بیلمه دی
آغلاییب گوزونون یاشین سیلمه دی
ایل دولاندی آنجاق لیلی گلمه دی
اغاردی کیپریگی قاشی مجنونون
قوجا اغلار

About Author

saghi

See author's posts