سئوینج

من حیاتدا نه تاپدیمسا ایتیردیم
نیسگیل اۆره‌ییمدن سیلینمز منیم
فرهاد کیمی داغ اویناتسام یئریندن
زحمتیم زای اولار بیلینمز منیم
***
ها چالیش ها ووروش ها اذیت چک
آدامدا بیرآز دا بخت اولسون گرهک
سئوینجیم پایلانار قارداش مالی تک
دردیم یاری یادا بؤلونمز منیم
***
شجاعت یورولماز فیکر یورماسا
عمرومون کامانین کدر قیرماسا
اگر چرخی دؤنموش فلک وورماسا
سینه‌م هر آتشدن دلینمز منیم

About Author

saghi

See author's posts