ای كونول گل سن بو یار بی وفادن ال گؤتور
قوی سنی بو درد اؤلدورسون دوادن ال گؤتور
یار و یولداشدان اومید اوز، قوم و قارداش ایسته مه
یوم گیلن بیگانه دن گؤز،آشنادن ال گؤتور
اوخشادین گول اوزلری اویدون بو قاره گؤزلره
حاصلی نولدو؟ هوس بسدیر،هوادن ال گؤتور
فتنه دیر عشق مجازی،فتنه دن قورماق گرک
عشق نفسانی خطادیر بو خطادن ال گؤتور
ای منی گوزدن سالان مهر و وفاسیز سئودیگیم
گر یوخون مهر و وفا باری جفادن ال گؤتور
وعده وئرمیشدین نئجه اولدو؟ عهد قیلمیشدین هانی؟
کیم دئدی سن عهدیوی سیندیر وفادن ال گؤتور؟
زاهد بیچاره بسدیر، بیر بئله قیلدین نماز
سبحه و سجاده نی ییق بو ریادن ال گؤتور
بیر بئله ای خواجه یيغدین مال دونیا دویمادین؟
تا نه وقته حرص؟ بو فانی سرادن ال گؤتور
تاجر بد نفس خوش ظاهر! پیمبردن اوتان
بسدیر ای نامرد، تنزیل و ربادن ال گؤتور
ای داداش گئچدی جوانلیق،موسم سور و سرور
یيغ بساط عشرتی، سیر و صفادن ال گؤتور
تا بیلیرسن،عقله قوللوق ائیله نفسین بورنون اوُغ
دوش پری لر آردینا دیو دغادن ال گؤتور
اؤز گمانینده بودور: من عاقل و فرزانه یه م
لاف وورما هیدجی بو ادّعادن ال گؤتور
About Author
پست های مرتبط
ادای احترام سران قوا و مسئولان ارشد کشور به پیکر امام شهید
تصاویر دیده نشده از شهید آلهاشم
کاریکاتور روز/ کنترل تخلفات ساختمانی در تبریز به کمک پهپاد