بیرهؤرگو هؤرولور، باشـــــــــــلانیر تاریخ
هــــــؤرگــــــــــونو هؤرهلیر آللاهین الی
آغـــــــــــلاییر فرحدن یاراتــــــــــدیغینا
گؤزلرینین یاشی دولـــــــــــدورور گؤلو
***
ملتین ابدی تاریخ نیشـــــــــــــــــــــــانی
تانرینیــــــــــن اؤزوندن آخان گؤزیاشی
آخیب- آخیب بیرگون بؤیوک گؤل اولور
سوواریر تورپاغی، ایسلادیر داشــــــــــی
***
بیر ائلدی، بیرگؤلدو، بیر ده کی تانری
بیرلیکده سورورلر سئوینجلی حایــــات
یول سالیب تاریخین واراقلارینــــــــا
آیدین گلهجهیه چالیــــــــــرلار قاناد
***
خالقیمین چکدیگی زحـــــمتلرینه
ساحیللر برکت، چؤل باییر چؤرهک
آللاهین اینجهجیک بارمـــاقلارییله
پایلانیر چؤللره آل- الوان چیچــک
***
یاشاییــــش قاطاری تاققاتاق گئدیر
گولومسهییر تانری، گولومسهییر ائل
سهیریییرگئجهلر، سئوینجدن یاتمــیر
گوندوزلر برکت چالخالایـــیر گؤل
***
آما شیطان اَلی اوزاقدا دئیــــــــیل
نه گؤردو یوخودان آییلدی شیـطان
نئجه یئره سالسین تانرینین سؤزون
خایین فیکیرلشدی، خایین بیر پلان
***
حبس اولدو چایلارین حلال گؤزیاشی
باغـــــــــلاندی بولودلار چکیلدی دارا
اللری قیریلیــــــــــــــب اومود الیندن
کؤکسونده دئشیـــــــلیرگونده مین یارا
***
بیر یانار اود دوشوب گؤلون جانینا
تامسینیر گؤیلردن بولود قوخوسون
اود توتوب عطشدن دوداغی یانیر
دیسکینیر گئجهلر دومان یوخوسون
***
سس دوشوب شهرده یاییلیــب خبر
ائشیدیبسن بونو دمیــــــرچی عمی؟
بیر اوشاخ آغـــــلاییر کوچه تینینده
قورویوب گؤلوموز، ساتیـلیر«گمی»
***
بیـرگؤلدو قوروسون نه اولار مگر؟!
آغارتدی دیشلرین خانلارین خانی
بیلمــیردی نه دئیر، گولوردو آنجاق
یامان گونه ســـــــالدی آذربایجانی
***
نامازدا سوروشدوم دونن تانــــریدان
اورهگی بیزلردن دوب- دولو کیندی
دئیرگؤزیاشیــــملا گؤل یاراتمیشدیم
ساخلایا بیلمهدیز، آلیــــــرام ایندی!!!
***
هرگون میدان آچــــــیر سیاستچیلر
تایپ اولـــــــور میللته مینلرجه شعار
چیغیــــــریب شهرده هارای سالیرلار
دیریلدهجم گؤلو، اولون بختیـــــــار
***
آما نه بیر عــــــــــمل، نه بیرحرکت
گـؤرونمور اود توتان گؤل قیراغیندا
دیــــــیهسن دایانیب عؤمور قاطاری
اویویور حایاتین سون دوراغیــــــندا
***
نه بابک قالیر کی، دوغـــــــرانا قُولو
نه «باکـــــــــــــــری» قالیر، قانا بَلَنه
نه «کاظیم»خـــــان قالیر اؤپه فیشنگی
نه «ستار»خان قالیـــــــــر مشروطهلَنه
***
سیییییب گئــــــجهنین سسسیز قوینونا
گئچمیشین سئیر ائدیر سون مورگوسونده
آییلیرگؤزلــــــــــــــرین آچانمیر آنجاق
سحــــــرین قیزارمیش قان هؤرگوسونده
***
اؤلومـــــــــــــله اَل به اَل بیرداملا سویو
یالمانیــــــــــر چایلارین نم دوداغیندان
دولماسین گــــــؤزونه «دوز» قوناقلارین
اوزاقدان قایتاریر اؤز قیراغینـــــــــــدان
***
یئتیرین سؤزومو «آراز» ا ، «کــــــــور»ه
دئین «باراندوز»ا، «نازلی» چـــــــایینا
آماندی «شورگؤل»ون یامان گؤنودو
چاغیرین دوستلاری گلین هاییــــنا
***
ائلیمیـــــــــــزه میراث اولو تانریدان
اؤلومدو بُویلانیر قیــــــــــراقلاریندان
گون به گون تورپاغین جانینــا سوزوب
پوزولــــــــور تاریخین واراقلاریندان
***
کئشگه بولودلارا چاتایـــــــدی سَسیم
یالوارایدیم اولون بؤیوک بیر قــــوشون
سورون بو چارهسیزگؤلون اوســـــــتونه
آغلاییب سؤندورون اورک آتشیــــــن
***
گلین اَل بیر اولاق ساحــــــــــیللرینده
ســـــــــــس سالین اُویاداق یوخولو ائلی
آغلایاق- آغلایاق گــــــــــؤزیاشیمیزلا
دُولدوراق اؤرگی اود توتان گـــؤلو…
پست های مرتبط
عرفانی دویغو
بایاتی
ادب ساحه سینده