بایاتی

آراز آخاریر آرادان
جوشوب گلیر هارادان
نغمه سینه قولاق وئر
قاندیر آخیر یارادان
***
دمیردن چاخماق اولماز
یاندیریب یاخماق اولماز
او سوزولن گؤزلره
بیر لحظه باخماق اولماز
***
عزیزیم گول دن گؤزل
اوخور بولبولدن گؤزل
یار منه بیر گول وئریب
اؤزو او گولدن گؤزل
***
عزیزیم داغدا لالا
اوخشور گول اوزده خالا
دردی غمی آزالار
کیم یئتیشه وصالا
***
عزیزیم آمان آللاه
قاشلاری کامان آللاه
دریادا پاییم قومدو
قورودا سامان آللا
***
او خومار گوزلریدنن
دویمارام سوزلریندن
بیلسئیدیم آیرلیق وار
اؤپه ردیم گؤزلریندن
***
آق دستمالین منده دیر
سه رمیشم چمنده دیر
دونیادا دولو گؤزل دیر
آمما گؤزوم سنده دیر
***
داغدا پائیز اولاندا
ساری سونبول سولاندا
یارا ائلچی گؤنده ررم
شرعی یاشا دولاندا

About Author

saghi

See author's posts