بایاتی

باغیندا وار یاسمن سوسن ، سونبول ، یاسمن یاردان آیری دوشه لی غرق اولموشام یاسا من *** بیر بوینوزلو قوچام من یئریم یوخدو، قاچام من اوره گیم سوفره دئییل هر یئتنه آچام من *** دریا دولو سئل ایلن بالام اوینار گول ایلن عالمه جان باغیشلار منی ساخلار دیل ایلن *** داغ باشینا توکوب قار باغ […]

باغیندا وار یاسمن
سوسن ، سونبول ، یاسمن
یاردان آیری دوشه لی
غرق اولموشام یاسا من
***
بیر بوینوزلو قوچام من
یئریم یوخدو، قاچام من
اوره گیم سوفره دئییل
هر یئتنه آچام من
***
دریا دولو سئل ایلن
بالام اوینار گول ایلن
عالمه جان باغیشلار
منی ساخلار دیل ایلن
***
داغ باشینا توکوب قار
باغ – باغچایا چوکوب قار
بیر بولبولوم قفسده
دورد یانیمی آلیب سار
***
بیر آی دوغدو کنارسیز
گئنه گوللم من عارسیز
منیم آه و زاریم دان
قاچین ائللر ، یانارسیز
***
عزیزی یه م نه دردی
نه درماندی ، نه دردی
آیریلارسان یاریندان
بیله رسن بو نه درددی
***
باغچادا لالا قالدی
الده پیالا قالدی
آنانی آپاردیلار
یورددا بیر بالا قالدی
***
هارای ، منی بو سالدی
اوزون عومروم قیسسالدی
قان آغلایان گؤزلریم
وئران باغا سو سالدی