زرشک

زرشک، یاشیل فضادا ، بوتون فصل لرده طرح اوچون کیچیک آغاج کیمی ایشله نیر.
زرشک بیتگی سی نین ساری و کیچیک گوللری سونلاردا گیرده ، قیرمیزی و کیچیک ایشیلداق مینجیقلارا دؤنور کی اونون میوه سی دیر.
زرشک کوُللارین پرچین و حصار اوچون باغلارین و باغچالارین دؤره لرینه طرح ائدیرلر.
اگر بو بیتگی آرتیق ائن بوُیا وئرسه اونون چوخ و نارین گوللری گؤزه گلیم و سئویملی اولار.
زرشک بیتگی سی نین خزان ائدن نوعو چوخ اکیلیر. زرشک، داواملی بیتگی لردندیر.
و تقریباً بئش ایل دن سونرا یئکه لمیش حددینه چاتیر.آمما عؤمرونون اول لریندن گول وئریر.
یارپاقلاری نین رنگی پاییزدا ، سویوق یئرلرده گؤزه ل اولور.
زرشک ، باشقا بیتگی لریله بیرگه طرح لرده اکیله نده گؤزه ل و خوشا گلیم گؤرسه نیر.
اونون قیرمیزی میوه لری قیش دا بوته نین اوستونده قالیر و یاشیل فضانین گؤزه للیگینه آرتیریر.
آنجاق بو بیتگی هر فصل ده خاص بیر گؤزه للیک، یاشیل فضایا باغیشلاییر.
بو بیتگی نین ایسته کلری:
-زرشک، ایستی یئرلرده یاخشی بیتمه ییر. آمما باشقا یئرلرده بیتیر. لاپ سویوق و دونموش یئرلرده داوامی چوخدور .
-بو بیتگی اؤزون یاخشی نیشان وئرمه ک اوچون ، بوتون گونه وه ر یئره نیازی واردیر.
اگر کؤلگه ده و یا آز گونه وه ر اولان یئرده قالسا، یارپاقلاری یاشیل رنگ ده قالار و رنگینی آل قیرمیزی رنگینه دؤندرمه ز . آمما بوتون گونه وه ر یئرده قالسا، هم یارپاقلاری اؤز « آل » رنگین ساخلار ، هم گوللری و میوه لری خوشا گلیم و ایسته کلی اولار.
-چوخ تورپاقلاردا بیته ر آمما باغچا تورپاغی بیر آز گوجلو و گیرگلی اولسا زرشک اوچون لاپ فایدالی دیر.
-بو بیتگینی توخوم و پیل وورماق یولو ایله چوخالتماق اولار.
آمما لاپ یاخشی یولو بودور کی قیشین اورتاسیندان سونونادک پیل وورالار و گول ائوینده کؤتوکله ندیره لر.
-بوتون زرشک لرین قورولوغا داوامی واردیر آمما ایستی واختلاردا نظمله سووارماق داهادا بو بیتگی نین گؤزه للیگینه آرتیرار.
-بو بیتگی یازین ایلک آییندا و یایین اورتا آییندا بوتونجه کود ایسته ییر.
-ایشیلداق و ساری گوللری یازین بویوندا گؤرسه نه رلر.
-بعضی آداملار یاشیل فضا دا زرشک بوته لرین باشدان گیرده شکیلده دالاییرلار آمما زرشک لرین داللاماغا نیازلاری یوخدور .
-زرشکین قوللارین گوده لتمه ک اوچون قیچی له مه ک واختی قیش فصلی نین سونودور و فورما سالیب، مرتّب ائتمه ک هر واخت اولا بیله ر .

About Author

saghi

See author's posts