قالاجاق

بئش گونلوک دونیانین غمین ائیله مه
بــزه کی. گئده جک اوزی. قالاجاق
تئــلدن داراق دوشر قولاقدان سیرغا
توپراغیــــــــن آلتینا دوزی قالاجاق
*
آغ کفن بورونر آیاقـــــــــدان باشا
ییغدیغین ثروتین یازیلــــــماز داشا
یا نؤکر اولاســــــــان یادا بیر پاشا
توفاغین داغیلیب ایـــــزی قالاجاق
*
عؤمور دالداسیندا أجل گزه جک
خیال دویغولارین صفه دوزه جک
طعمه سیز دیریکن الین اوزه جک
طعمه کار ئولسه ده گؤزی قالاجاق
*
بیرینین قالاجاق اوخو کامــــاندا
بیری جان وئره جک قاردا دوماندا
اوزاق دویغولارین بو آز زامــاندا
بیرینه چاتساندا یوزی قالاجـــــاق
*
گون گئده ر داغلارین دوشه ر کولکه سی
دؤندره ر هر کسی یولون دونکه سی
درزی توکانیـــــندا اینه دوگمه سی
پینه چی نین ســـــــاپی بیزی قالاجاق
*
ای«اصغر» آت یئره دونیانین داشــــین
آغاردی ساچلارین قوجالـــدی یاشین
هونرین ساخلارلار کـــــؤچن نقّاشین
شاعیرین کیتابی ســــــــؤزی قالاجاق

About Author

saghi

See author's posts