نارگیل

نارگیل اَتی نین ایچینده چوخلو ویتامین و معدنی موادلار واردیر کی بدن اوچون لازیم دیر.
گوجلو و گیرگلی میوه لردندیر. نارگیل میوه سی نین ده یه رلی خاصیتلرینه ایشاره اولور:
– نارگیل اتی نین ایستی و قورو طبعی ، و سوتونون ایستی و شئهلی طبعی واردیر.
– نارگیل ده کالوری چوخ اولدوغونا و گیرگلی میوه اولدوغونا گؤره کؤکه لدندیر.
– بدنین ایچه ری ایستی سین چوخالدار.
– آغیزی عطیرلندیرمه ک اوچون فایدادیر.
– ضعیف کبد اوچون درماندیر.
– پئشاب چوخالداندیر.
– بدنین یارالارین ساغالدار.
– هضم اوچون یاردیمدیر.
– روماتیسم و مفاصل آغریلارین درمان ائتمه ک اوچون نارگیل مورابباسی
( صوبحانه ایله بیرگه ) مئیل ائدین!
– نارگیلی شکر ایله یئمه ک ، بدنی گوجلندیرمه کدن علاوه ، قانین چوخالماسینادا سبب اولار.
– نارگیل قابیغی نین کولو دیشی آغاردار. میسواکی نارگیل قابیغی نین کولونه باتیریب، ایشله دین!
– نارگیل، یاددا ساخلاماقی (حافظه نی ) گوجلندیره ر .
– نارگیل اَتی مثانه نین آغری سین آلار.
– بئیینین سلول لارین گوجلندیرمه ک اوچون ، تازا نارگیل ایله بیرگه بال مئیل ائدین.
– نارگیل اتی بئل آغری سین آزالدار.
– ایسته سه ز اَت تئز پیشسین، بیر آز ایچینه نارگیل آتین!
*
ناگیل سوتونون خاصیتلری:
– نارگیل سوتو هم یوموشالداندیر هم اسهال اوچون درماندیر.
– قان اسهالی اوچون فایدادیر.
– بدنین سویونون چَکیلمه گی نین قاباغین آلماق اوچون نارگیل سوتو ایچین!
– نارگیل سوتو بدنین سمّ لرین چیخاردار.
– قیزیشمانی آزالدار.
– دَری ناخوشلوقلاری اوچون فایدالی دیر.
– نارگیل سویو، بئیینین یورقونلوغو و اعصاب اوچون فایدادیر.
– گوج یاراداندیر و قورخونو، یورقونلوغو درمان ائده ر .
– آنتی اوکسیدان خاصیتی واردیر.
– قانین قولای یاغین آزالدار و اوره ک سکته لری نین قاباغین آلار.
*
نارگیل یاغی نین خاصیتلری:
– نارگیل یاغی گئج خاراب اولار و اوندان سوهان، پیراشکی،بیسکویت و بعضی دسرلر و شیرنی لر جورله مه کده و قنّادی لرده فایدالانارلار.
– نارگیل یاغی دَری ناخوشلوقلاریندا ایشه نه ر .
– حافظه نی و هوشو گوجلندیره ر .
– مثانه نین آغریسین آلار.
-بئل آغریسیندا فایدالی دیر.
-جنسی گوجو چوخالدار.
– شرجی منطقه لرده ، نارگیل یاغی باشا سورتمه ک، توکون تؤکولمه گی نین قاباغین آلار.
– او بیریسی یاغلارا باخاندا، نارگیل یاغی نین کالوریسی آزدیر، و داماردا یا اوره کده ییغیشیب قالماییر.
– نارگیل یاغی بدنین گوجلندمه سینده اثری چوخدور .
– کبد و دیابت اوچون فایدادیر.
– سوموگون و دیشلرین داواملی اولماسینا سبب اولار.
– بدنین داوامین ناخوشلوقلار قاباغیندا چوخ ائده ر .
*
آییقلیق اوچون بیلین:
– نارگیل سوتو ایله نارگیل شیره سی فرقلی دیر. نارگیل شیره سی همان نارگیلین ایچینده کی آغ سودور آمما نارگیل سوتو ناگیلین دوغرانمیش اتی و سو قارشیغین قایناتماق ایله دوزه له ر.
اونداکی کَفله ندی اوتون اوستوندن گؤتوروب سوزه رلر.
– نارگیل، کال اولان واختی چوخ شیره سی واردیر آمما میوه یئتیشدیکجه شیره سی آزالیر. پس ایسته سه ز آلاندا اونون تازالیغین بیله سیز، اونو لاخلادین، شیره نین سَسین ائشیده سیز.
– آییق اولون و بیلین کی لاپ آغیر نارگیل لاپ تازادیر.
– نارگیل یئمه ک قوجالار اوچون چوخ فایدالی دیر و هئچ ایشکال یاراتماز.
– کیفسه نمیش و قولای نارگیل بدن اوچون زیاندیر و آدامی قوسدورار.
– بو میوه ایستی لیک دیر ، آنجاق ایستی مزاجلاردا موشگول تؤره ده ر . بئلنچی آداملار اونو تورش میوه لر ، لیمو یا قارپیز ایله بیرگه مئیل ائتسینلر.
– نارگیل بئواخت هضم اولاندیر . آنجاق گوارش ناراحتلیگی اولانلار گؤزله سینلر.
– نارگیل یاغی ، بیتگی یاغلار سیراسیندا اولسادا ، یاغی آغیردیر و قانلاری نین یاغی یوخاری اولان آداملار یا اوره ک ناخوشلوقلاری اولانلار ، بو یاغدان فایدالانماسالار یاخشیدیر.

About Author

saghi

See author's posts