اوشاق چاغلاریمدا آنامین یانیندا یاتیردیم، هر گئجه بیر آرزو ائدیردیم
مثلاً آرزو ائدیردیم کی منه اویناتمالی آلسین.
او دئییردی: « سنه اویناتمالی آلارام بیر شرطیله کی یاتاسان »
یا اینکی آرزو ائدیردیم گئدیم دونیانین ان بؤیوک اوینامالی یئرینه
او دئییردی: « سنی آپارارام بیر شرطیله کی یاتاسان! »
بیر گئجه سوروشدوم: « اگر یئکلسه م آرزولاریما چاتارام ؟ »
دئدی: « آرزولاریوا یئتیشرسن آمما بیر شرطیله کی یاتاسان »
آنجاق هر گئجه سئوینجک یاتاردیم . او قده ر یاتدیم کی داها بؤیودوم و آرزولاریم کیچیلدیلر.
اؤتن گئجه آنامی یوخومدا گؤردوم، سوروشدو:
« ایندی ده هر گئجه یاتمامیشدان قاباق آرزولاریوا فیکیرله شیرسن ؟ »
دئدیم: « گئجه لر یاتماییرام»
دئدی: ایندی نه آرزو ائدیرسن مگر؟
دئدیم: « سن بوردا اولاسان ، هئچ آرزوم اولمایا داها »
دئدی: چالیشارام سنین یوخونا گله م بیر شزطیله کی یاتاسان! »
About Author
پست های مرتبط
عرفانی دویغو
بایاتی
ادب ساحه سینده